1 Samuel 22:19 - Q'eqchi Bible

¹⁹ Sa' li tenamit Nob, xtenamiteb' laj tij, laj Saúl kixkamsi chixjunileb' chi ch'iich': winq, ixq, kok'al ut k'uula'al li toj neke'tu'uk, b'ooyx, b'uur ut karneer.

Li Santil hu

¹⁹ Ut laj Saúl quixtakla ajcuiꞌ xcamsinquil chixjunileb li cuanqueb saꞌ li tenamit Nob, lix tenamiteb laj tij. Chixjunileb queꞌcamsi̱c, joꞌ cui̱nk, joꞌ ixk, joꞌ cocꞌal, joꞌ cꞌulaꞌal. Ut queꞌcamsi̱c ajcuiꞌ lix bo̱yx, lix bu̱r, ut lix carner.

1 Samuel 22:19 ပူးပေါင်းရင်းမြစ်များ

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Oseas 10:14

Jo'kan naq taawanq li mululij ib' sa' leetenamit ut te'juk'e'q chixjunileb' leekawub'resinb'il ochoch. Teek'ul li kik'ulmank aran Bet-Arbel naq laj Salmán kixsach li tenamit a'an sa' xkutankil li yalok, naq eb' li na'b'ej ke'pik'aje'k chiru ch'och' rochb'eeneb' li xkok'aleb'.

Isaías 10:32

Hoon ajwi' eb' laj Asiria te'hilanq aran Nob; te'xk'ut li reetalil li yalok aran Sión, sa' xtzuulil Jerusalén.

Nehemías 11:32

Anatot, Nob, Ananías

1 Samuel 22:11

Toja' naq li awab'ej kixtaqla xb'oqb'al laj Ajimélek, ralal laj Ajitub, jo'wi' chixjunileb' li rech'alal li wankeb' cho'q aj tij aran Nob. Ut chixjunileb' ke'k'ulunk rik'in li awab'ej.

1 Samuel 22:9

Toja' naq laj Dohek aj Edom, li wank sa' xyanqeb' laj k'anjel chiru laj Saúl, kixsume: “Laa'in xwil li ralal laj Jesé chi wulak Nob, wan wi' laj Ajimélek, ralal laj Ajitub.

1 Samuel 21:1

Laj David kiwulak Nob, b'arwi' wank laj Ajimélek laj tij. A'in kisachk xch'ool chi rilb'al laj David ut kixpatz' re: “K'a'ut naq aajunes xatchalk, chi maajun na'ochb'eenink aawe?”, chan.

1 Samuel 15:9

Ab'anan laj Saúl ut eb' laj puub' ink'a' ke'xkamsi laj Agag ut li xchaab'ilal eb' li xkarneer, chi moko li wakax ninqeb' xtib'el, eb' li xchib'aat ut li k'aru terto xtz'aq. Ink'a' ke'raj xq'axtesinkil chi oso'k. Ka'ajwi' li k'aru tz'eqtaananb'il ut maak'a' na'ok wi' ke'xq'axtesi chi sache'k.

Josué 6:21

Chirix chik a'an ke'xkamsiheb' li winq, li ixq, li saajeb' ut cheekeb'; jo'kan ajwi' eb' li b'ooyx, li karneer ut li b'uur. Chixjunil kisache'k ru chi junajwa.

Josué 6:17

Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.

San Mateo 21:16

ut ke'xye re li Jesus: —Ma nakawab'i li yookeb' chi xyeeb'al eb' a'in? —Hehe' -chan li Jesus reheb'-. Ma ink'a' eerilom sa' li Santil Hu: «Chi xtz'uumal reheb' li kok'al ut eb' li toj neke'tu'uk xakawresi laaloq'al»?

1 Samuel 15:8

Kixchap chi yo'yo laj Agag, awab'ej re Amalek, ut kixkamsiheb' chi ch'iich' li poyanam, tik ke'oso'k chixjunileb'.