1 Samuel 22:18 - Q'eqchi Bible

¹⁸ Jo'kan naq li awab'ej kixye re laj Dohek: “Jilon laa'at ut kamsiheb' laj tij”. Tikto laj Dohek aj Edom kixkut rib' sa' xb'eeneb' laj tij ut, sa' li kutan a'an, kixkamsiheb' oob' ro'k'aal chi winq li neke'roksi li efod liin.

Li Santil hu

¹⁸ Laj Saúl quixye re laj Doeg laj Edom: —Camsiheb la̱at, chan. Ut laj Doeg quixcamsiheb chixjunileb laj tij. O̱b roꞌcꞌa̱leb (85) laj tij, li nequeꞌrocsi li efod queꞌcamsi̱c saꞌ li cutan aꞌan.

1 Samuel 22:18 ပူးပေါင်းရင်းမြစ်များ

Sofonías 3:3

Li xninqaleb' ru winq li wankeb' aran, chanchaneb' li kaqkoj chaajeb' re; eb' laj raqol aatin jo'keb' laj xojb' sa' li chaqich'och' li ink'a' neke'xkanab' xtib'eb' re wulaj.

Miqueas 6:16

Xb'aan naq xapaab' li xchaq'rab' laj Omrí, ut xab'aanu li neke'xb'aanu eb' li ralal xk'ajol laj Ajab; xatzol aawe jo' chanru xna'leb'eb' a'an. Jo'kan naq tatinrahob'tesi, ut eb' laapoyanamil tink'eheb' cho'q se'leb'aal; ut aamaak laa'at xutaanal wanqeb' lintenamit”.

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Oseas 5:11

Q'axal rahob'tesinb'ileb' laj Efraín, ink'a' chik nak'eemank reheb' li k'aru xk'ulub'eb', xb'aan naq chirixeb' li jalanil yos yo chi xik li xch'ooleb'.

2 Crónicas 24:21

Ab'an eb' a'an ke'xk'uub' xkamsinkil, ut li awab'ej kixtaqlaheb' chi xteninkil chi pek toj reetal ke'xkamsi chiru xneb'aalil li rochoch li Qaawa'.

1 Samuel 2:36

Toja' naq eb' laawech'alal li ink'a' te'kamq, te'chalq chi wiq'laak chiru a'an re xtz'aamankil b'ayaq xtumineb' malaj xwaheb', ut te'xye: B'aanu usilal, k'e junaq qak'anjel sa' xyanqeb' laj tij, re naq wanq b'ayaq qawa quk'a', cha'qeb'»”.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

1 Samuel 2:18

Laj Samuel li ch'ina'al wan chaq chi k'anjelak chiru li Qaawa', tiqto rik'in efod yiib'anb'il rik'in liin.

Éxodo 28:40

“Taayiib' xjut-aq' eb' li ralal xk'ajol laj Aharón. Taayiib' ajwi' xk'aamal xsa'eb' ut xpuniteb', re naq taak'utunq li xloq'aleb' ut li xwankilaleb'.

Salmos 78:64

Chixjunileb' laj tij ke'kamsiik chi ch'iich' ut eb' li xmalka'aneb' ink'a' ke'yaab'ak chirixeb'.

Proverbios 24:15

At yib'ru aana'leb', maak'uub' rahilal re li tiik xch'ool, ut maajuk' li xjunkab'al nahilank wi'.