1 Samuel 22:17 - Q'eqchi Bible

¹⁷ Tikto li awab'ej kixye reheb' laj k'aak'alehom re li wankeb' chi xk'atq: “Ayuqex chi xkamsinkileb' laj tij chiru li Qaawa'. Eb' a'an ajwi' neke'okenk chirix laj David, xb'aan naq, us ta neke'xnaw naq yo chi elelik, ink'a' xe'xye we”. Ab'an eb' laj k'anjel chiru li awab'ej ink'a' ke'raj xkamsinkileb' laj tij chiru li Qaawa'.

Li Santil hu

¹⁷ Ut quixye reheb lix soldado li cuanqueb chixcꞌatk: —Camsihomakeb laj tij li nequeꞌcꞌanjelac chiru li Ka̱cuaꞌ xban nak queꞌxcꞌu̱b ru rochben laj David chanru nak tineꞌxcamsi. Usta nequeꞌxnau nak e̱lelic yo̱, incꞌaꞌ queꞌxye cue, chan. Abanan eb li soldados incꞌaꞌ queꞌraj xcamsinquileb laj tij.

1 Samuel 22:17 ပူးပေါင်းရင်းမြစ်များ

Éxodo 1:17

Ab'an eb' laj xokol k'uula'al neke'xxiwa ru li Yos ut ink'a' ke'xb'aanu li ke'taqlaak wi' xb'aan li awab'ej re Ejiipt, ke'xkanab' b'an chi yo'yo eb' li kok' teelom.

1 Samuel 14:45

Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

2 Reyes 10:25

Naq laj Jehú kiraqe'k chi xmayejankil li k'atb'il mayej, kixye reheb' laj k'aak'alenel ut li xjolomileb' laj puub': “Okanqex chisa' ut kamsihomaqeb'. Maajun chi'eleliq”. Ut ke'xkamsiheb' chi ch'iich', toltookeb' ke'kanaak aran chixjunileb'. Chirix chik a'an ke'wulak toj chisa' li rochoch laj Bahal,

1 Reyes 18:4

xb'aan naq junxil naq lix Jesabel yo xkamsinkileb' li xpropeet li Qaawa', kixkoleb' o'k'aal chi propeet ut kixmuqeb' sa' wiib' ochoch pek, lajeeb' roxk'aal kixmuq sa' li junjunq chi ochoch pek, ut kixch'oolaniheb' rik'in wa ut ha'.

1 Reyes 1:5

Toja' naq laj Adonías, xyum lix Jakit, kixq'etq'eti rib' ut kixye: “Laa'in tinkanaaq cho'q awab'ej”, chan. Jo'kan naq kixsik' xb'eleb'aal ch'iich', xkawaay ut lajeeb' roxk'aal chi winq li te'ochb'eeninq re.

2 Samuel 15:1

Moqon chik laj Absalón kiwank jun xb'eleb'aal ch'iich' kelonb'il xb'aaneb' xkawaay ut k'aak'alenb'il xb'aaneb' lajeeb' roxk'aal (50) chi winq.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

1 Samuel 22:13

Laj Saúl kixye re: “K'a'ut naq yookex chi xk'amchi'inkil eerib' sa' inb'een, laa'at ut li ralal laj Jesé? Laa'at xak'e xwa; xak'e ajwi' xch'iich' re yalok, ut xapatz' re li Qaawa' k'aru tixb'aanu, re naq xik' tinril ut tinxkamsi. Ut a'an ajwi' yo chi xb'aanunkil anaqwan”.

1 Samuel 20:33

Toja' naq laj Saúl kixtaqsi li xjutz' che' re xkamsinkil li ralal. Chi jo'kan laj Jonatán kixtaw ru naq ch'olch'o li xkamik laj David xb'aan li xyuwa'.

1 Samuel 8:11

Kixye reheb': “Jo'ka'in tixb'aanu li awab'ej li taataqlanq sa' eeb'een. Tixb'oqeb' leeralal ut wankeb' li tixxaqab' chi rilb'aleb' li xb'eleb'aal ch'iich' ut li xkawaay, ut wankeb' chik tento te'aanilaq chiru li xb'eleb'aal ch'iich'.

1 Samuel 2:31

K'e reetal, chalk re xkutankil naq tinsach laawankil jo'wi' xwankil li xjunkab'al laayuwa', ut maajun re laajunkab'al toxtixq.

1 Samuel 22:16

Ab'an li awab'ej kixye wi' chik: “At Ajimélek, ch'olch'o naq tatkamq laa'at jo'wi' chixjunileb' laawech'alal”.

1 Reyes 14:27

Jo'kan naq laj Robohán li awab'ej kixtaqla xyiib'ankil li reeqajeb' li ke'elq'aak, junes rik'in chik q'anch'iich', ut kixq'axtesiheb' reheb' li neke'taqlank sa' xb'eeneb' laj ilol re li rochoch li awab'ej.