1 Samuel 20:41 - Q'eqchi Bible

⁴¹ Naq ak xkoho li al, ki'elk chaq laj David chi xk'atq li jun tuub' chi pek, kixhupub' rib' chiru ch'och' ut ox sut kixk'utzub' rib'. Chirix a'an ke'xq'alu rib' xkab'ichaleb' laj David ut laj Jonatán, ut k'ajo' naq ke'yaab'ak.

Li Santil hu

⁴¹ Nak ac xco̱ li al, laj David qui-el chak chirix li jun tu̱b chi pec. Quixcuikꞌib rib oxib sut saꞌ chꞌochꞌ. Queꞌrutzꞌ ru chi ribileb rib. Ut cꞌajoꞌ nak queꞌya̱bac. Laj David kꞌaxal cuiꞌchic quiya̱bac toj retal quicꞌojla xchꞌo̱l.

1 Samuel 20:41 ပူးပေါင်းရင်းမြစ်များ

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

Génesis 29:11

Chirix chik a'an kixtz'ub' ru lix Rakel ut ki'ok chi yaab'ak.

Hechos 20:37

K'ajo' naq ke'ok chi yaab'ak chixjunileb', ke'xq'alu chi xkux laj Pablo ut ke'xtz'ub' ru

2 Samuel 19:39

Toja' naq chixjunileb' li tenamit ke'nume'k junpak'al li nima' Jordán. Ut naq kiwulak li awab'ej junpak'al, kixtz'ub' ru laj Barsilay ut kirosob'tesi, ut a'in kisutq'iik wi' chik sa' rochoch.

2 Samuel 9:6

Ut naq laj Mefibahal, ralal laj Jonatán, ri xmam laj Saúl, kiwulak wan wi' laj David, kiwiq'laak ut kixhupub' rib'. “A Mefibahal”, chu'uxk re. “We'kin, at awab'ej”, chan laj Mefibahal.

2 Samuel 1:26

K'ajo' linyot'ik aab'aan, a Jonatán, at was li numtajenaq inrahomat! Q'axal xchaq'al ru cho'q we laarahom chiru li xrahomeb' li ixq.

1 Samuel 25:23

Ka'ajwi' kiril laj David, lix Abigahil kixseeb'a rib' chi kub'eek chirix li xb'uur, kixkut rib' chi roq,

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Génesis 45:15

Chirix chik a'an kixtz'ub' ru chixjunileb' li ras, yo chi yaab'ak sa' xb'eeneb'; toja' naq eb' li ras ke'ok chi seeraq'ik rik'in.

Génesis 43:28

Ke'chaq'ok eb' a'an: “Kaw laj k'anjel chawu, li qayuwa', ut toj yo'yo”, chankeb'. Ut ke'xwiq'ib' rib' chiru.

Génesis 29:13

Naq laj Labán kirab'i resil xwulajik laj Jakob, xyum li ranab', koho sa' aanil chi xk'ulb'al, kixq'alu, kixtz'ub' ru ut kixk'am sa' rochoch. Toja' naq laj Jakob kixseeraq'i re laj Labán chixjunil li xk'ulmank

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

1 Samuel 20:40

Chirix chik a'an laj Jonatán kixk'e re li al chixjunileb' li xk'anjelob'aal re yalok: “Ayu ut k'ameb' sa' tenamit”, chan re.

Génesis 33:4

Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

1 Samuel 24:9

ut kixye re laj Saúl: “K'a'ut naq nakapaab' eb' li poyanam li neke'yehok: «Laj David yo chi xsik'b'al aasachb'al»?

2 Samuel 1:2

Sa' rox li kutan kiwulak sa' xmuheb'aaleb' laj puub' re laj Saúl jun li winq kok' q'ich li raq' ut nujenaq chi pojtz' sa' xjolom. Naq kiwulak wan wi' laj David kiwiq'laak ut kixhupub' rib' chiru ch'och'.

2 Samuel 14:4

Li ixq aj Tékoha koxk'ut rib' chiru li awab'ej, kiwiq'laak ut kixhupub' rib' chiru ch'och': “At awab'ej, chinaatenq'a!”, chan.

1 Reyes 1:16

Tikto lix Betsabé kixhupub' rib' chiru ch'och' ut li awab'ej kixpatz' re: “K'a' xaq ru xak'ul?”, chan.

1 Reyes 1:23

Ut kiyehe'k resil re li awab'ej: “Xk'ulunk laj Natán li propeet”. Naq a'in ki'ok wan wi' li awab'ej, kixhupub' rib' chiru ch'och'

1 Reyes 1:31

Toja' naq lix Betsabé kiwiq'laak ut kixhupub' rib' chiru ch'och', ut kixye: “Chinimaaq aaloq'al chi junelik, at awab'ej David, aj eechal we!”, chan.