1 Samuel 2:9 - Q'eqchi Bible

⁹ A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Li Santil hu

⁹ Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

1 Samuel 2:9 ပူးပေါင်းရင်းမြစ်များ

Salmos 121:3

Ink'a' tatxkanab' chi t'ane'k sa' b'e, xb'aan naq ink'a' nawark laj K'aak'alehom aawe.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Salmos 97:10

Li Qaawa' naxraheb' li neke'tz'eqtaanank re li maa'usilal; a'an nak'aak'alenk reheb' li neke'paab'ank re, ut naxkoleb' chiru chixjunileb' li ink'a' useb' xna'leb'.

Salmos 94:18

Rajlal naq xinye: “Ok we chi tichk'ok”, a' chik laawusilal xkuutunk we, at Qaawa'.

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

Li xHu LAJ JOB 5:24

Sa tatwanq sa' laawochoch; ut naq taawajla laaketomq, maak'a' taamajelo'q chawu.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

Proverbios 16:9

Laa'o naqak'uub' li tqab'aanu wulaj kab'ej, ab'an li Yos yaal re b'ar tooxik.

Salmos 121:8

Li Qaawa' na'ilok aawe jo'q'e tat-elq ut jo'q'e tatsutq'iiq chaq, chalen anaqwan ut junelik q'e kutan.

2 Pedro 2:17

A'aneb' chanchaneb' li roqha' chaqijenaqeb', chanchaneb' li choql k'amb'ileb' xb'aan li kaqsut-iq': oyb'eninb'ileb' sa' xchamal li aak'ab'.

San Mateo 8:12

ut eb' li ke'b'oqe'k xb'enwa chi ok sa' li xnimajwal wankilal li choxa, te'isiiq ut te'tz'eqe'q sa' li aak'ab' chirix kab'l: aran taawanq li yaab'ak ut li k'uxuxink ruuch e.

Sofonías 1:15

A'anaq xkutankil li josq'il, xkutankil li rahil ch'oolej ut rahilal, xkutankil li sachok ut juk'uk, xkutankil li aak'ab' ut li q'oqyink; muhaq ru li kutan a'an ut choqlaq ru,

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Proverbios 3:26

xb'aan naq li Qaawa' wanq aawik'in ut ink'a' tatxk'e chi t'ane'k sa'eb' li ra'al.

Eclesiastés 5:17

ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?

Proverbios 2:8

naril li xyu'ameb' li tiikeb' xch'ool ut naxkoleb' li neke'paab'ank chiru.

Salmos 121:5

Li Qaawa' a'an na'ilok ut namuheelank aawe; li Qaawa' wank chak'atq.

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Li xHu LAJ JOB 5:16

Rik'in A'an xaqxo li royb'enihomeb' li neb'a', ab'an naxtz'ap xsa' reheb' li ink'a' useb' xna'leb'.

Números 6:24

«A' taxaq li Qaawa' chi'osob'tesinq ut chik'aak'alenq aawe.

Salmos 31:17

Chak'ut taxaq xsahil aawu re laj k'anjel chawu ut chinaakol taxaq sa' xk'ab'a' laarahom!

Isaías 27:3

Laa'in, li Qaawa', nin'ilok re ut kok'aq xsa' nint'aqresi. Nink'aak'ale chi q'eq ut chi kutan re naq maajun taach'e'oq re.

1 Samuel 25:26

Ab'anan anaqwan, wa'chin, sa' xk'ab'a' li yo'yookil Yos ut laayu'am, sa' xk'ab'a' li Qaawa' li xramok chawu xkamsinkileb' li poyanam a'in jo'wi' xraqb'al aatin aajunes aawib', jo'qeb' laj Nabal chixjunileb' li xik' neke'ilok aawe jo'wi' li te'raj xb'aanunkil rahilal aawe.

Li xHu LAJ JOB 18:18

Taa'isiiq sa' saqenk ut taatz'eqe'q sa' li aak'ab'; taasachmanq sa' li ruuchich'och' a'in.

Li xHu LAJ JOB 40:13

Muqeb' sa' li ch'och' ut tz'apeb' sa' xjuleb' li kamenaq.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Salmos 105:37

A'ut li xtenamit li Yos ki'isiik chi naab'al x'oor ut xplaateb', chi maajun kikanaak chi ixb'ej.

Salmos 145:20

Li Qaawa' naxk'aak'aleheb' li neke'rahok re, ab'an naxsach ruheb' li ink'a' useb' xna'leb'.

Isaías 47:5

“K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.