1 Samuel 2:6 - Q'eqchi Bible

⁶ Li Qaawa' nak'ehok yu'am ut li kamk; nataqlank sa' xna'ajeb' li kamenaq ut na'isink chaq.

Li Santil hu

⁶ Li nimajcual Dios, aꞌan li ya̱l re saꞌ xbe̱n chixjunil. Li ani naraj naxqꞌue xyuꞌam ut li ani naraj narisi xyuꞌam. Cui ani naraj tixcuaclesiheb cuiꞌchic chi yoꞌyo, ut cui aꞌan naraj tixcanabeb chi camenak.

1 Samuel 2:6 ပူးပေါင်းရင်းမြစ်များ

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

2 Reyes 5:7

Naq li awab'ej re Israel kiril xsa' li hu, kixq'ich li raq' ut kixye: “Ma laa'in tab'i' Yos chi kamsink ut chi k'ehok yu'am? Li awab'ej re Aram xtaqla chaq li winq a'in chink'irtasi li xsaqlepil. K'ehomaq reetal naq a'in yal yo xsik'b'al chanru naq taayaloq wik'in”.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Li xHu LAJ JOB 5:18

xb'aan naq a'an natiq'ok ut nak'irtasink, narahob'tesink ut naxkotz li rahilal.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

San Mateo 12:40

Jo' naq kiwank chaq laj Jonás sa' xsa' li nimla kar oxib' kutan ut oxib' q'oqyink, jo'kan ajwi' taawanq li K'ajolb'ej sa' xch'ool li ch'och' oxib' kutan ut oxib' q'oqyink.

Salmos 116:3

Xinxsut chaq li xwankil li kamk, xinsutunk xb'aan xra'al li xb'alb'a: k'ajo' naq xraho'k ut xyot'e'k li waanm!

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

Salmos 68:20

Usilaatinanb'il taxaq li Qaawa' wulaj wulaj! A'an na'ilok qe, a'an li Yos aj kolol qe.

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.

Ezequiel 37:3

Toja' naq kixye we: “At kaamel winq, ma nakak'oxla naq taawanq wi' chik xyu'ameb' li b'aq a'in?”, chan. Kinchaq'ok ut kinye: “At Qaawa', ka'jat wi' laa'at nakatnawok re”.

Ezequiel 37:12

Jo'kan naq aatinaheb' ut ye reheb': «Jo'ka'in xye li Qaawa': Ex intenamit, ok we chi xteeb'al eb' li muqleb'aal wankex wi', texwisi chisa' ut texink'am chaq wi' chik sa' xteepal Israel.

1 Reyes 17:22

Li Qaawa' kirab'i naq kitijok laj Elías chi kaw xyaab' xkux, ut kixk'e wi' chik xyu'am li ch'ina'al, li kiyo'laak wi' chik.

Salmos 30:4

Laa'at xatkolok we chi xik sa' xna'ajeb' li kamenaq; xak'e wi' chik inyu'am naq ak wankin chiru li kamk.

Salmos 71:20

Us ta xinaak'e chi rilb'aleb' li k'iila ch'a'ajkilal ut rahilal, ab'an taak'e wi' chik inyu'am; tulinaawisi sa' xchamal li jul wankin wi',