1 Samuel 2:5 - Q'eqchi Bible

⁵ Li xe'xb'ut xsa'eb' yookeb' chi k'anjelak anaqwan chirix li xwaheb', ut eb' li te'tz'okaaq ink'a' chik neke'xtawasi rib'eb'. Li xma'al ixq wuqub' sut x'alank, ut li naab'aleb' xkok'al yo chi tixk anaqwan.

Li Santil hu

⁵ Li cuanqueb nabal cꞌaꞌru eb re nak xeꞌcuan, anakcuan ma̱cꞌaꞌ chic cꞌaꞌru reheb. Yo̱queb chi trabajic chi cau re nak ta̱cua̱nk caꞌchꞌinak xtzacae̱mkeb. Ut eb li ma̱cꞌaꞌ cuan reheb re teꞌtzaca̱nk nak xeꞌcuan, anakcuan cuan chic cꞌaꞌruheb re. Ut li ixk li incꞌaꞌ naqꞌuiresin, xeꞌcuan cuukub xcocꞌal. Abanan li ixk li xcuan nabal xcocꞌal, anakcuan incꞌaꞌ chic naqꞌuiresin.

1 Samuel 2:5 ပူးပေါင်းရင်းမြစ်များ

San Lucas 1:53

Kixnujob'resiheb' li te'tz'okaaq rik'in chaab'il eechej, ut eb' li b'ihom kixtaqlaheb' chi maak'a' chik wank reheb'.

Salmos 113:9

Naq wank junaq ixq li maak'a' xkok'al, naxk'e xjunkab'al ut eb' li ralal xk'ajol, jo' na'b'ej li k'ajo' xsahil sa' xch'ool. Aleluya!

Jeremías 15:9

Q'axal ra xk'ul li na'b'ej li wank wuqub' li ralal, k'ajo' naq xmayok li xch'ool! Xkanaak sa' xutaanal ut xsache'k li xwankil; xq'oqyino'k ru li saq'e naq toj kutan. Ut eb' li te'kole'q sa' xyanqeb', laa'in tinq'axtesiheb' chi kamk chiruheb' li xik' neke'ilok reheb'”, chan li Qaawa' Yos.

Salmos 34:10

Cheroxloq'iiq li Qaawa' laa'ex li sik'b'il eeru xb'aan, xb'aan naq eb' li neke'paab'ank chiru maak'a' taamajelo'q reheb'.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Isaías 54:1

Jap aawe xb'aan xsahil aach'ool, at ma'al ixq li maajuneb' laawalal aak'ajol. B'ichan chi sa sa' laach'ool, laa'at li maajun sut xat-alank, xb'aan naq li Qaawa' kixye chi jo'ka'in: “Q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

1 Samuel 1:6

Jo'kan naq k'ajo' naq nahob'e'k xb'aan lix Peniná li rech ixaqilb'ej: xik' na'ile'k ut nach'i'ch'i'iik, xb'aan naq xma'al ixq.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.

Gálatas 4:27

xb'aan naq naxye li Santil Hu: “Chisaho'q sa' aach'ool, at ixq li ink'a' nakat-alank, li maak'a'eb' aawalal aak'ajol. Jap aawe xb'aan xnimal xsahil aach'ool laa'at li ink'a' nakanaw xrahil alank, xb'aan naq q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Li xHu LIX RUT 4:15

Li ch'ina'al a'in taak'ojob'anq aach'ool ut taa'iloq aawe sa' laatiixilal, xb'aan naq li xna', a'an laawalib', li jwal nakatxra ut q'axal us cho'q aawe chiru wuqub' chi alalb'ej.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.