1 Samuel 2:26 - Q'eqchi Bible

²⁶ Naq yo chi k'ulmank a'in, laj Samuel li ch'ina'al yo chi k'iik, raaro xb'aan li Qaawa' ut xb'aaneb' li tenamit.

Li Santil hu

²⁶ Nak yo̱ chi cꞌulma̱nc aꞌin, laj Samuel yo̱ chi qꞌui̱c. Quiraheꞌ xban li Dios ut quiraheꞌ ajcuiꞌ xbaneb li tenamit.

1 Samuel 2:26 ပူးပေါင်းရင်းမြစ်များ

San Lucas 2:52

Ut li Jesus yo chi k'iik rik'in xna'leb' ut rik'in xteram, sa' chaab'ilal chiru Yos ut chiruheb' li winq.

San Lucas 2:40

Ut li k'uula'al yo chi k'iik ut chi kawuuk, nujenaq chi chaab'il na'leb'; ut li rusilal li Yos wank chi xb'een.

Romanos 14:18

Ka'ajwi' li napaab'ank chi jo'ka'in chiru li Kriist, k'ulub'anb'il xb'aan li Yos ut nak'ehe'k xloq'al xb'aaneb' li tenamit.

Hechos 2:47

Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.

1 Samuel 2:21

Relik chi yaal naq li Qaawa' kirula'ani lix Ana: a'an kisiyank ut kirala oxib' teelom ut wiib' ixqa'al. Ut laj Samuel li ch'ina'al yo chi k'iik chiru li Qaawa'.

San Lucas 1:80

Li k'uula'al yo chi k'iik ut chi kawuuk xch'ool; ut kiwank chaq sa' chaqich'och' toj kiwulak xq'ehil naq kixk'ut rib' chiruheb' laj Israel.

Proverbios 3:3

B'aanu li yaal ut li rahok chi junelik; chak'uulaheb' jo' junaq chaab'il q'ol chakux, ut chatz'iib'aheb' sa' laach'ool.

Proverbios 3:4

Chi jo'kan osob'tesinb'ilaqat xb'aan li Yos ut taak'ehe'q aaloq'al xb'aaneb' li tenamit.

Génesis 39:4

Jo'kan naq laj José kixtaw usilal chiru laj eechal re ut kixaqab'aak cho'q aj tenq' re ut aj jolominel re li xjunkab'al: jo'ch'inal jo'nimal li wank re laj Putifar kiq'axtesiik sa' ruq' laj José.

Jueces 13:24

Ut li ixq kiwank li xk'uula'al, aj Sansón kixk'e cho'q xk'ab'a'. Li ch'ina'al kik'iik ut li Qaawa' ki'osob'tesink re.

1 Samuel 3:19

Laj Samuel kinimank, ut li Qaawa' wank rik'in. Jo'ch'inal jo'nimal kiyeemank xb'aan laj Samuel, kitz'aqlok ru.