1 Samuel 2:20 - Q'eqchi Bible

²⁰ Toja' naq laj Elí narosob'tesi laj Elkaná ut li rixaqil, ut naxye: “A' taxaq li Qaawa' tixk'e naab'al aawalal aak'ajol rik'in li ixq a'in. A'anaqeb' reeqaj laj Samuel li xeq'axtesi chi k'anjelak chiru li Qaawa'”. Ut chirix chik a'an neke'sutq'iik sa' rochocheb'.

Li Santil hu

²⁰ Ut laj Elí naxtzꞌa̱ma chiru li Dios nak ta̱rosobtesi laj Elcana ut lix Ana ut quixye reheb: —Aꞌ taxak li Ka̱cuaꞌ tixqꞌue nabal chic a̱cualal a̱cꞌajol riqꞌuin li ixk aꞌin chokꞌ re̱kaj li xakꞌaxtesi re li nimajcual Dios, chan reheb. Ut chirix aꞌan, queꞌsukꞌi saꞌ li rochocheb.

1 Samuel 2:20 ပူးပေါင်းရင်းမြစ်များ

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Li xHu LIX RUT 4:11

Naq ke'rab'i a'an, eb' li cheekel winq ut chixjunileb' li wankeb' aran ke'xsume: —Laa'o testiiw. A' taxaq li Qaawa' chik'ehoq re laawixaqil chi jo'kaq lix Rakel ut lix Liiy: xkab'ichaleb' a'an ke'tikib'ank re li tenamit Israel. Chinimanq laawankil aran Efratá ut nawb'ilaq aawu chi us sa' li tenamit Belén.

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

Génesis 14:19

Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Malaquías 2:15

Ma ink'a' tab'i' jun ajwi' chi Yos xyoob'tesink re li ixq, li xtz'ejwal ut li xmusiq'? Ut k'aru naxsik' li Yos rik'in li junjunq? Naxsik' naq te'wanq ralal xk'ajol q'axtesinb'ilaqeb' re A'an. Cherahaq b'i' eerib' chiru leeyu'am ut meeb'alaq'i leesum'aatin li xexsumlaak wi' sa' leesaajilal.