1 Samuel 2:12 - Q'eqchi Bible

¹² Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Li Santil hu

¹² Eb li ralal laj Elí incꞌaꞌ useb xnaꞌleb ut incꞌaꞌ queꞌxqꞌue xlokꞌal li Ka̱cuaꞌ Dios.

1 Samuel 2:12 ပူးပေါင်းရင်းမြစ်များ

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

2 Corintios 6:15

Chanru naq te'wanq chi sum'aatin li Kriist ut laj tza? K'aru tixwotz laj paab'anel rik'in li maak'a' naxpaab'?

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

San Juan 8:55

us ta ink'a' nekenaw ru. Laa'in yaal naq ninnaw ru, ut wi tinye ta naq ink'a' ninnaw ru, laa'inaq raj aj tik'ti' jo' laa'ex. Ab'anan ninnaw ru ut nink'e inch'ool chirix li raatin.

Jeremías 22:16

Kixkol rixeb' li neb'a' ut eb' li rahob'tesinb'ileb', ut chi jo'kan sa kiwank chiru li xyu'am. Ma maawa' tab'i' a'an linpaab'ankil laa'in? -chan li Qaawa'-.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.

1 Reyes 21:13

Toja' naq li wiib'eb' li ink'a' useb' xna'leb' ke'xchunub' rib' chiru laj Nabot re xjitb'al ut ke'xye chi jo'ka'in: “Laj Nabot xmajewa li Qaawa' ut li awab'ej”, chankeb'. Tikto ke'risi laj Nabot chirix li tenamit ut ke'xteni chi pek toj reetal kikamk.

1 Reyes 21:10

Sik'omaq wiib'aqeb' li winq ink'a' useb' xna'leb' li te'jitoq re ut te'xye chi jo'ka'in: «Xamajewa li Qaawa' ut li awab'ej». Toja' naq teerisi laj Nabot chirix li tenamit ut teeteni chi pek toj reetal taakamq”.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

1 Samuel 3:7

Laj Samuel toj maji' naxnaw ru li Qaawa', xb'aan naq toj maji' k'utb'il chiru li raatin li Qaawa'.

Jueces 19:22

Naq yook xsahilal sa' xch'ooleb', wankeb' winq ink'a' useb' xna'leb', ke'xsut li ochoch, ke'xtenteni re li okeb'aal ut ke'xye re li cheekel winq, laj eechal ochoch: “Isi chaq li winq li x'ok sa' laawochoch. Tqaj toowarq rik'in!”, chankeb'.

Deuteronomio 13:13

wankeb' winq li ink'a' useb' xch'ool, yo'lajenaqeb' sa' eeyanq li xe'xb'alaq'i li rech tenamitul rik'in xyeeb'al: «Qaloq'oniiq ruheb' li jalanil yos», li ink'a' eenawom ru laa'ex,

1 Samuel 3:13

Ak inyehom naq tinraq aatin chi junajwa sa' xb'een li xjunkab'al, xb'aan naq naxnaw naq eb' li ralal xk'ajol xine'xmajewa ut ink'a' xq'useb'.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Ezequiel 22:26

Eb' laj tij sa' li tenamit a'in xe'xsach xwankil linchaq'rab' ut xe'xmux ru li k'a'aq re ru q'axal loq' cho'q we; ink'a' neke'xnaw xyeeb'al b'ar wank li loq' ut li muxb'il ru, chi moko b'ar wank li saq ru ut li tz'ajn ru. Ink'a' neke'roxloq'i linhilob'aal kutan, chi moko neke'xloq'oni wu laa'in.

Deuteronomio 13:14

laa'at tento tatpatz'inq, taatz'il rix ut tatpatz'oq sa' xyaalal. Ut wi a'an yaal, wi wank k'aru nak'utunk wi' naq sa' eeyanq xb'aanumank li yib' aj na'leb' a'an,