1 Samuel 19:17 - Q'eqchi Bible

¹⁷ Toja' naq laj Saúl kixye re lix Mikal: “K'a' naq xinaab'alaq'i ut xakanab' chi elelik li xik' na'ilok we?”. Kichaq'ok lix Mikal: “A'an xye we: «Kanab'in chi elelik malaj tatinkamsi»”, chan.

Li Santil hu

¹⁷ Laj Saúl quixye re lix Mical: —¿Cꞌaꞌut nak xina̱balakꞌi chi joꞌcaꞌin? ¿Cꞌaꞌut nak xacanab chi e̱lelic li xicꞌ na-iloc cue? chan. Ut lix Mical quixye re: —Aꞌan xye cue nak tinixcamsi cui incꞌaꞌ tintenkꞌa chi e̱lelic, chan.

1 Samuel 19:17 ပူးပေါင်းရင်းမြစ်များ

2 Samuel 2:22

Jo'kan naq laj Abner kixye wi' chik re: “Kanab' waanilasinkil re naq ink'a' tatinkamsi. Chanru naq tinruuq chi aatinak rik'in laj Johab laawas wi tatinkamsi?”.

Gálatas 4:16

Malaj ut xik' nikineril xb'aan naq xinye eere li xyaalal?

San Mateo 2:16

Naq laj Herodes kixk'e reetal naq kib'alaq'iik xb'aaneb' laj q'e, k'ajo' naq kichalk xjosq'il, ut kixtaqla xkamsinkil chixjunileb' li k'uula'al li toj maji'eb' aj wiib' chihab', eb' li wankatqeb' Belén ut sa' li xsutam, jo' chanru kixtz'il rix rik'ineb' laj q'e.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

2 Samuel 17:20

Naq eb' laj Absalón ke'wulak sa' rochoch li ixq, ke'xpatz' re: “B'ar wankeb' laj Ajimás ut laj Jonatán?”. Kichaq'ok li ixq: “Toja' xkoheb' sa' xjayal li nima'”, chan. Toja' naq eb' li xtaql laj Absalón koheb' aran chi xsik'b'aleb', ab'an maak'a' ke'xtaw; jo'kan naq ke'sutq'iik wi' chik Jerusalén.

1 Samuel 28:12

Naq li ixq kiril laj Samuel, kixjap re xb'aan xxiw ut kixye re laj Saúl: “K'a'ut naq xinaab'alaq'i? Laa'at aj Saúl!”.

1 Samuel 22:17

Tikto li awab'ej kixye reheb' laj k'aak'alehom re li wankeb' chi xk'atq: “Ayuqex chi xkamsinkileb' laj tij chiru li Qaawa'. Eb' a'an ajwi' neke'okenk chirix laj David, xb'aan naq, us ta neke'xnaw naq yo chi elelik, ink'a' xe'xye we”. Ab'an eb' laj k'anjel chiru li awab'ej ink'a' ke'raj xkamsinkileb' laj tij chiru li Qaawa'.

1 Samuel 19:14

Naq laj Saúl kixtaqlaheb' winq chi xchapb'al laj David, li ixq kixye: “Yaj laj David”, chan.

1 Samuel 19:16

Naq eb' li xtaql laj Saúl ke'ok sa' rochoch laj David, a' li yiib'anb'il yos ke'xtaw sa' li ch'aat, rochb'een li rix chib'aat chi xjolom.