1 Samuel 18:8 - Q'eqchi Bible

⁸ K'ajo' naq kiraho'k xch'ool laj Saúl naq kirab'i a'an; kichalk xjosq'il ut kixye: “Yookeb' chi xyeeb'al naq laj David xkamsiheb' lajeeb' mil ut laa'in jun mileb' ajwi'. Ka'aj chik maa nakanaak chi awab'ej!”, chan.

Li Santil hu

⁸ Cꞌajoꞌ nak quijoskꞌoꞌ laj Saúl nak quirabi li yo̱queb chixyebal. Quixye: —Yo̱queb chixyebal nak laj David quixcamsi laje̱b mil ut la̱in jun mil ajcuiꞌ. Caꞌchꞌin chic ma̱ nequeꞌxxakab chokꞌ rey, chan.

1 Samuel 18:8 ပူးပေါင်းရင်းမြစ်များ

1 Samuel 15:28

Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

Proverbios 13:10

Li q'etq'etil junes raaxiik' naxyoob'; a'ut li chaab'il k'a'uxl wank rik'ineb' li neke'xkub'si xwankil.

Santiago 4:5

Ma nekek'oxla naq maak'a' rajb'al li naxye li Santil Hu: “Li Yos q'axal naxra li musiq'ej, li kixk'e chi wank qik'in”?

Ester 3:5

Naq laj Amán kixk'e reetal naq laj Mardokeo ink'a' nawiq'laak chi moko naxhupub' rib' chiru, k'ajo' naq kichalk xjosq'il.

1 Samuel 20:31

Ab'an anaqwan ab'i chi us: jo' najtil toj yo'yooq li ralal laj Jesé sa' ruuchich'och', ink'a' naru tat-ok cho'q awab'ej laa'at chi moko eb' laawalal aak'ajol. Jo'kan b'i' taqla xsik'b'al laj David ut k'am chaq we, xb'aan naq tento taakamq”.

Proverbios 27:4

Li josq'il nayoob'ank ch'a'ajkilal ut nasachok; ab'an li sowenak maajun nakuyuk re.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

1 Reyes 2:22

Kichaq'ok li awab'ej ut kixye re li xna': “K'a'ut naq yookat chi xtz'aamankil lix Abisag aj Sunam cho'q rixaqil laj Adonías? Ka'aj chik maa taapatz' we xq'axtesinkil li awab'ejihom, xb'aan naq a'an was ut laj Abiatar laj tij ut laj Johab, ralal lix Sarbia, neke'okenk chirix!”.

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

1 Samuel 13:14

A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

Números 22:34

Toja' naq laj Balaham kixye re li x'Ánjel li Yos: “Xinmaakob'k. Ink'a' xinnaw naq laa'at yookat chi xramb'al linb'e. Ab'anan, wi ink'a' nakawaj naq tinxik, anaqwan ajwi' sutq'iik we”, chan.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

1 Samuel 18:9

Ut chalen sa' li kutan a'an laj Saúl ink'a' chik sa naril laj David.

1 Samuel 19:1

Laj Saúl kixye re laj Jonatán ut reheb' chixjunileb' laj k'anjel chiru naq te'xkamsi laj David. Ab'an laj Jonatán, ralal laj Saúl, q'axal naxra laj David

Génesis 37:8

Toja' naq eb' li ras ke'xye re: “Ma laa'at tab'i' tat-awab'ejinq qe malaj toohaak'e rub'el laawankil?”, chankeb'. Ut q'axal chik xik' neke'ril xb'aan li xmatk' ut eb' li raatin.

Génesis 37:11

Ut eb' li ras k'ajo' naq neke'xkaqali; a'ut li xyuwa' yo chi xk'oxlankil rix.