1 Samuel 18:6 - Q'eqchi Bible

⁶ Naq eb' laj puub' ke'sutq'iik chaq, chirix naq laj David ak xkamsi laj Filistea, eb' li ixq ke'elk chaq sa' chixjunileb' li tenamit sa' xteepal Israel ut ke'xk'ul laj Saúl li awab'ej chi saheb' sa' xch'ool, yookeb' chi b'ichank ut xajok rik'ineb' li tzojtzoj ut xwajb'eb'.

Li Santil hu

⁶ Nak laj David ac xcamsi laj Goliat, eb li soldados queꞌsukꞌi chak saꞌ li ple̱t. Eb li ixk saꞌ chixjunileb li tenamit Israel queꞌel chixcꞌulbal li rey Saúl. Cuanqueb xpanderos saꞌ rukꞌ. Yo̱queb chi xajoc ut yo̱queb chi bicha̱nc xban xsahileb xchꞌo̱l. Ut yo̱queb chixchꞌeꞌbal lix cuajbeb.

1 Samuel 18:6 ပူးပေါင်းရင်းမြစ်များ

Jueces 11:34

Naq laj Jefté kisutq'iik wi' chik Mispá sa' li rochoch, ki'elk chaq li xrab'in chi xk'ulb'al, yo chaq chi xajok ut chi xch'e'b'al li tzojtzoj ch'iich'. Jun ajwi' li xrab'in laj Jefté; chirix a'an maak'a' chik xkok'al.

Éxodo 15:20

Toja' naq li propeet xMiriam, ranab' laj Aharón, kixchap jun tzojtzoj tun, ut chixjunileb' li rech ixqilal koheb' chirix, wankeb' xtzojtzoj tun sa' ruq'eb' ut yookeb' chi xajok.

Salmos 68:25

At Qaawa', at inYos, at Eechal we, sa' laaloq'laj ochoch naqil eb' li poyanam yookeb' chi ok re xnimankil aawu.

Éxodo 15:21

Ut lix Miriam kixsume li b'ich chi kama'in: “B'ichanqex chiru li Qaawa', xb'aan naq jwal nim xwankil: kixkuteb' sa' palaw li kawaay ut eb' li b'eleb'aal ch'iich'”.

1 Samuel 18:5

Laj David naq'axok chaq u sa' chixjunil li yalok nataqlaak wi' xb'aan laj Saúl; jo'kan naq kixaqab'aak chi xjolominkileb' laj puub'. Ut a'in q'axal kiwulak chiru chixjunileb' li tenamit jo'wi' chiruheb' laj k'anjel chiru laj Saúl.

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

2 Samuel 6:5

Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', tanb'oor ut sursuukil ch'iich'.

Salmos 68:11

Chi jo'kan eb' laawalal xe'xtaw xna'ajeb', at qaYos, sa' li ch'och' kawresinb'il xb'aan laawusilal cho'q reheb' li neb'a' ut li ra wankeb'.

Salmos 149:3

Chenimaaq li xk'ab'a' rik'in xajok, chexb'ichanq ut chexwajb'aq rik'in tun ut aarp!

Isaías 30:32

Rajlal naq li Qaawa' tixrahob'tesi li tenamit a'an, taa'ab'imanq xyaab' li tun ut li aarp. A' li Qaawa' taa'elq chi yalok rik'ineb' laj Asiria.