1 Samuel 18:30 - Q'eqchi Bible

³⁰ Rajlal naq eb' li xjolomileb' laj Filistea neke'xik chi yalok, laj David, a'an li q'axal us na'elk chiru chixjunileb' laj k'anjel chiru laj Saúl. Jo'kan naq k'ajo' chik kinawmank ru laj David.

Li Santil hu

³⁰ Rajlal nak nequeꞌchal eb laj filisteo chi pletic riqꞌuineb laj Israel, laj David, aꞌan li kꞌaxal us na-el chiruheb li jun chꞌol chic li nequeꞌcꞌanjelac chiru laj Saúl. Joꞌcan nak chixjunileb queꞌxqꞌue saꞌ xnakꞌ ruheb laj David.

1 Samuel 18:30 ပူးပေါင်းရင်းမြစ်များ

2 Samuel 11:1

Sa' li chihab' jun chik, sa' li saq'ehil naq eb' li awab'ej neke'xik chi yalok, laj David kixtaqla laj Johab rochb'eeneb' li xjolomileb' laj puub' ut chixjunileb' laj Israel chi yalok. Ut ke'xq'ax ruheb' laj Amón, ke'xsut Rabá li xtenamiteb'; ab'an laj David kikanaak Jerusalén.

1 Samuel 18:5

Laj David naq'axok chaq u sa' chixjunil li yalok nataqlaak wi' xb'aan laj Saúl; jo'kan naq kixaqab'aak chi xjolominkileb' laj puub'. Ut a'in q'axal kiwulak chiru chixjunileb' li tenamit jo'wi' chiruheb' laj k'anjel chiru laj Saúl.

1 Pedro 2:7

Jo'kan utan, li pek a'in a'an q'axal nim xloq'al cho'q eere laa'ex li nekexpaab'ank; ab'anan cho'q reheb' li ink'a' neke'paab'ank, natz'aqlok ru li naxye li Santil Hu: “Li pek li kitz'eqtaanaak xb'aaneb' laj kab'lanel kikanaak cho'q xnimal ru pek sa' li kab'l”.

1 Pedro 2:4

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

Efesios 5:15

Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Salmos 119:99

Q'axal chik nintaw inna'leb' chiruheb' chixjunil laj tzolol we, xb'aan naq junelik nink'oxla li nakawaj.

Salmos 116:15

Jwal ra nareek'a li Qaawa' naq neke'kamk eb' li neke'paab'ank re.

2 Reyes 1:13

Li awab'ej kixtaqla wi' chik sa' rox sut jun chik xjolomileb' laj puub', rochb'een lajeeb' roxk'aaleb' chi winq. Koho chi tzuul laj jolominel, ab'an naq kiwulak, kixwiq'ib' rib' chiru laj Elías ut kixtz'aama chiru: “At xtaql li Yos, chakuy inmaak. Nintz'aama chawu naq chakol linyu'am ut li xyu'ameb' li lajeeb' roxk'aaleb' chi winq a'in aj k'anjeleb' chawu.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

1 Samuel 18:29

q'axal chik kichalk xxiw ut junelik xik' naril laj David.

1 Samuel 26:24

Jo' naq numtajenaq loq' xwil laayu'am anaqwan, jo'kanaq ajwi' xnimal xloq'al linyu'am chiru li Qaawa', ut tixkol taxaq chiru chixjunil li rahilal”.

1 Samuel 19:8

Moqon chik a'an kitiklaak wi' chik li yalok rik'ineb' laj Filistea, ut laj David koho ut kixq'axeb' ru, toj reetal ke'elelik chixjunileb'.

2 Samuel 7:9

Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.