1 Samuel 18:17 - Q'eqchi Bible

¹⁷ Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

Li Santil hu

¹⁷ Saꞌ jun li cutan laj Saúl quixye re laj David: —La̱in tinqꞌue lix Merab, li xbe̱n inrabin, chokꞌ a̱cuixakil. Caꞌaj cuiꞌ li nacuaj la̱in nak cauhak a̱chꞌo̱l chi pletic saꞌ xcꞌabaꞌ li Ka̱cuaꞌ, chan. Laj Saúl quixye saꞌ xchꞌo̱l: —Ma̱cuaꞌ la̱in tincamsi̱nk re laj David. Aꞌaneb ban laj filisteo teꞌcamsi̱nk re, chan saꞌ xchꞌo̱l.

1 Samuel 18:17 ပူးပေါင်းရင်းမြစ်များ

1 Samuel 25:28

Chakuy taxaq inmaak. Relik chi yaal naq li Qaawa' tixxaqab' chi junajwa xwankil laajunkab'al, xb'aan naq laa'at nakatyalok sa' xk'ab'a' li Qaawa', ut maajun wa taachalq li ink'a' us sa' aab'een chiru chixjunil laayu'am.

1 Samuel 18:25

Ut laj Saúl kixye reheb': “Yehomaq re laj David chi jo'kan: «Moko tumin ta traj li awab'ej, ka'ajwi' o'k'aal xtz'uumaleb' xtz'ejwaleb' laj Filistea, re taa'eeqajunq sa' xb'eeneb' li xik' neke'ilok re», cha'qex”. Ab'an li rajom laj Saúl: naq laj David taat'ane'q sa' ruq'eb' laj Filistea.

1 Samuel 17:25

yookeb' chi xyeeb'al: “Ma xeril li winq a'an? Qahob'b'al laa'o naq yo chi k'ulunk. Li ani taakamsinq re, li awab'ej tixk'e naab'al li xb'ihomal. Tixk'e ajwi' li xrab'in, ut ink'a' chik te'patz'e'q xtoj li rech'alal sa' xyanqeb' laj Israel”.

1 Samuel 18:21

xb'aan naq kixye sa' xch'ool: “Tinq'axtesi linrab'in re, ab'an yal re xb'alaq'inkil, re naq taat'ane'q sa' ruq'eb' laj Filistea”. Toja' naq laj Saúl kixye wi' chik re laj David: “Anaqwan laa'ataq inhi'”, chan.

1 Samuel 17:47

Ut chixjunileb' li ch'utch'uukeb' arin te'xnaw naq li Qaawa' ink'a' nakolok rik'in ch'iich' chi moko rik'in jutz' che': li Qaawa' a'an laj eechal re li yalok a'in, ut A'an taaq'axtesinq eere sa' quq' laa'o”.

Salmos 55:21

Neke'xtaqsi li ruq' sa' xb'eeneb' li ramiiw ut maajun wa neke'xb'aanu li k'aru ke'xyeechi'i.

Salmos 12:2

Choohaakol taxaq, at Qaawa', xb'aan naq maajun chik chaab'il; xlaje'oso'k chixjunileb' li tiikeb' xch'ool.

2 Samuel 12:9

Ab'anan k'a' naq xatz'eqtaana li waatin ut xab'aanu li ink'a' nawulak chiwu? Xakamsi chi ch'iich' laj Urías laj Hit, xataqla chi kamsiik xb'aaneb' laj Amón ut xak'am li rixaqil.

2 Samuel 11:15

A'an a'in li tz'iib'anb'il sa' li hu a'an: “K'ehomaq laj Urías chi uub'ej b'arwi' kaw li yalok, ut chirix chik a'an teekanab' xjunes re naq taatiq'e'q ut taakamq”.

Deuteronomio 17:7

Li ruq'eb' li testiiw, a'an li xb'enwa te'naq sa' xb'een re xkamsinkil; chirix chik a'an te'okenq chixjunileb' li tenamit. Chi jo'kan taawisi chi junajwa li maa'usilal sa' eeyanq.

Números 32:29

ut kixye reheb': “Wi eb' li ralal xk'ajoleb' laj Gad ut eb' laj Rubén, chixjunileb' li yo'ooneb' chi yalok, te'q'axonq junpak'al li nima' Jordán eerochb'een, re yalok jo' chanru xtaqlankileb' xb'aan li Qaawa', toj reetal toxeereechani li na'ajej, toja' naq teek'e chi reechanileb' li na'ajej Galahad.

Números 32:27

Ab'an laa'o aj k'anjel chawu, jo'k'ihal li yo'oon wanko chi yalok, tqapaab' raatin li Qaawa' ut tooxik chi yalok, jo' xaye qe”, chankeb'.

Números 32:20

Ut laj Moisés kixye reheb': —Wi teeb'aanu li yookex chi xyeeb'al, wi texxik chi yalok jo' naxye li Qaawa'

Números 21:14

Jo'kan naq nayeemank sa' xHuhil li Nimla Yalok kixb'aanu li Qaawa': “Koonume'k chaq Baheb, sa' xteepal Sufá, jo' ajwi' sa'eb' li kok' roqha' ut li nima' Arnón,

1 Samuel 14:49

A'aneb' a'in li ralal laj Saúl: laj Jonatán, laj Isió ut laj Malkisúa. Li xk'ab'a'eb' li wiib' xrab'in a'aneb' a'in: li chaq'na'b'ej, xMerab xk'ab'a', ut li iitz'inb'ej, xMikal xk'ab'a'.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 18:27

naq koho laj David rochb'eeneb' laj puub' ut kixkamsiheb' lajeek'aal (200) aj Filistea. Chirix chik a'an kixk'am chaq li xtz'uumal xtz'ejwaleb' ut kixq'axtesi chixjunil re li awab'ej re naq taa'ok cho'q xhi'. Toja' naq laj Saúl kixq'axtesi lix Mikal li xrab'in cho'q rixaqil.

1 Samuel 30:26

Naq laj David kiwulak Siklak, wank k'aru kixmaq' reheb' laj Amalek ut kixtaqla reheb' li xcheekal winqul laj Judá ramiiweb': “Waye' leemaatan, xkomon li xqamaq' chiruheb' li xik' neke'ilok re li Qaawa'”, chan.

2 Samuel 6:16

Naq li xLoq'laj Kaax li Qaawa' ki'ok sa' xTenamit laj David, lix Mikal, xrab'in laj Saúl, yo chi ilok sa' b'entaan, ut naq kiril li awab'ej yo chi pisk'ok ut xajok chiru li Qaawa', kixtz'eqtaana sa' li xch'ool.

Proverbios 26:24

Li xik' na'ilok naxmuq li xna'leb' naq na'aatinak; ab'an sa' li xch'ool yo xk'uub'ankil li raaxiik'.

Proverbios 26:25

Maapaab' naq tatraatina sa' q'unil aatin, xb'aan naq k'ajo' li maa'usilal wank sa' xch'ool.

Proverbios 26:26

Us ta tixmuq li xlab'alil xch'ool, ab'an li xmaa'usilal taak'utunq chiruheb' chixjunileb' li poyanam.