1 Samuel 17:4 - Q'eqchi Bible

⁴ Ki'elk chaq sa' xyanqeb' laj Filistea jun li winq yo'oon chi yalok, aj Goliat xk'ab'a', Gat xtenamit, wiib' moqoj li xteram.

Li Santil hu

⁴ Qui-el chak saꞌ xya̱nkeb laj filisteo jun li cui̱nk cau rib chi pletic. Numenak oxib vara xnajtil rok. Li cui̱nk aꞌan aj Goliat xcꞌabaꞌ. Gat xtenamit.

1 Samuel 17:4 ပူးပေါင်းရင်းမြစ်များ

Josué 11:22

Maajun aj Anak kikanaak sa' li xtenamiteb' laj Israel; ka'ajwi' aran Gasa, Gad ut Asdod ke'kanaak.

1 Samuel 17:23

Toj yo chi aatinak rik'ineb', naq laj Goliat, laj puub' aj Gat re Filistea, ki'elk chaq sa' xyanqeb' laj Filistea ut kixtikib' wi' chik xhob'b'aleb' laj Israel jo' naxb'aanu rajlal kutan; ut ki'ab'iik xb'aan laj David.

1 Crónicas 11:23

Kixkamsi ajwi' jun aj Ejiipt jwal nim xteram, wan xkab' moqoj xteram, li wank xjutz' che' sa' ruq', chanchan xche'el li kemleb'. Ab'an laj Benaías koho chi xk'ulb'al yal rik'in jun ch'ina xuq', kixmaq' li jutz' che' sa' ruq' laj Ejiipt ut rik'in ajwi' a'an kixkamsi.

1 Samuel 27:4

Naq laj Saúl kirab'i resil naq laj David xikenaq eelel aran Gat, kixkanab' xsik'b'al.

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.

1 Samuel 17:3

Eb' a'in wankeb' sa' xb'een jun li tzuul ut eb' laj Israel wankeb' sa' xb'een li tzuul jun chik; sa' xyiheb' wank li taq'a.

1 Samuel 17:5

Laj Goliat wank chi xjolom jun punit yiib'anb'il rik'in q'anch'iich', ut jun xkoleb' re xch'ool tz'ulb'il rik'in q'anch'iich', o'k'aal chi liib'r tana li raalal.