1 Samuel 17:32 - Q'eqchi Bible

³² Toja' naq laj David kixye re laj Saúl: “Maa'ani chich'inanq xch'ool xb'aan laj Filistea a'an. Laa'in, aj k'anjel chawu, tinxik chi yalok rik'in a'an”.

Li Santil hu

³² Laj David quixye re laj Saúl: —At rey, ma̱ ani taxak chichꞌina̱nk xchꞌo̱l xban laj filisteo. La̱in aj cꞌanjel cha̱cuu. La̱in tinxic chi pletic riqꞌuin, chan.

1 Samuel 17:32 ပူးပေါင်းရင်းမြစ်များ

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

Salmos 3:6

Ninyoklaak, ninwark ut na'ajk wu, xb'aan naq li Qaawa' natenq'ank we.

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Hebreos 12:12

Jo'kan utan, taqsihomaq leelub'luukil uq' ut xaqab'omaq chi kaw li xb'een eeraq li maak'a' xmetz'ew;

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Josué 14:12

Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Números 13:30

Toja' naq laj Kaleb ki'aatinak re te'xkanab' choqink chiru laj Moisés ut kixye: “Yo'qeb' ut qeechaniiq li tenamit, xb'aan naq naru taaqaq'ax ruheb'”, chan.

1 Samuel 17:31

Wankeb' li ke'ab'ink re li k'aru kixye laj David; koxe'xye resil re laj Saúl, ut a'in kixtaqla xb'oqb'al li al.

Isaías 7:4

ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.