1 Samuel 16:7 - Q'eqchi Bible

⁷ Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Li Santil hu

⁷ Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

1 Samuel 16:7 ပူးပေါင်းရင်းမြစ်များ

San Juan 7:24

Mexraqok aatin a' yaal chanru nekeril, chexraqoq b'an aatin sa' tiikilal.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

1 Pedro 3:4

Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

Proverbios 16:2

Li junjunq naxk'oxla naq us chixjunil li naxb'aanu; ab'an li Qaawa' naxtz'il rix li xchamal li ch'oolej.

Proverbios 31:30

Li chaab'ilal nab'alaq'ik ut li ch'ina'usal yal nanume'k; ab'an li ixq li naroxloq'i li Qaawa', a'an xk'ulub' xk'eeb'al xloq'al.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

1 Reyes 8:39

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Jeremías 20:12

At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

Salmos 139:2

nakanaw jo'q'e nink'ojlaak ut jo'q'e ninwakliik; us ta najt wankin, ab'an nakanaw li nink'oxla.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

2 Corintios 10:10

Wankeb' neke'yehok re: “Li xhu relik chi yaal naq kaw na'aatinak ut nataqlank, ab'an toq'ob'aal ru laj Pablo naq wank sa' qayanq, ut li raatin tz'eqb'eetal”.

1 Pedro 2:4

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

Li xHu LAJ JOB 10:4

Laa'at ink'a' nakat-ilok jo' nokoo'ilok laa'o,

2 Samuel 14:25

Aran Israel maajun winq chaq'al ru jo' laj Absalón; chixjunileb' neke'xk'e xloq'al xb'aan naq maak'a' reek' chalen chi roq toj sa' xsuutut.

1 Samuel 9:2

Wan chaq jun ralal, aj Saúl xk'ab'a', toj saaj ut k'ajo' xchaq'al ru. A'an li q'axal ch'ina'us ut najt roq sa' xyanqeb' chixjunileb' laj Israel.

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Proverbios 15:11

Wi li Qaawa' naxnaw k'aru wank sa' li xna'ajeb' li kamenaq, ma toja' ta chik sa' li qak'a'uxl?

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

2 Corintios 10:7

K'ehomaq reetal chi us! Wi ani wank sa' xch'ool naq a'an re li Kriist, chireek'ahaq a'in sa' xch'ool: wi a'an re li Kriist naq naxk'oxla, laa'o ajwi' reho li Kriist.

San Juan 8:15

Laa'ex nekexraqok aatin jo' naraj li tz'ejwalej; laa'in maa'ani sa' aj b'een ninraqok aatin.

Génesis 4:5

ab'an ink'a' kisaho'k xch'ool rik'in laj Kaín ut li xmayej. Jo'kan naq q'axal kijosq'o'k laj Kaín ut lumlu kikanaak.

1 Samuel 2:3

Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

2 Samuel 7:20

K'a' chik ru truuq tinye aawe? Laa'at nakanaw wu laa'in aj k'anjel chawu, at Qaawa'.

2 Crónicas 6:30

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw li xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

Proverbios 24:12

Us ta taaye: “Maak'a' ninnaw chirix a'an”, li Yos li natz'ilok rix li ch'oolej naxtaw xyaalal; Li na'ilok re laawaanm tixnaw a'an ut tixtoj jo' chanru li xb'aanuhom li junjunq.

1 Crónicas 17:18

K'a' chik ru truuq tinye aawe chirix li loq'al ak aak'ehom re laj k'anjel chawu? Laa'at nakanaw wu laa'in aj k'anjel chawu.

Li xHu LAJ JOB 35:5

K'e reetal li choxa ut chaka'ya eb' li choql. Jwal najt wankeb' chaq!