1 Samuel 16:13 - Q'eqchi Bible

¹³ Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

Li Santil hu

¹³ Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

1 Samuel 16:13 ပူးပေါင်းရင်းမြစ်များ

1 Samuel 10:6

Toja' naq tatreechani li xmusiq' li Qaawa', tat-aatinaq jo'keb' a'an ut jalanaqat chik.

Hebreos 1:9

Xara li us ut xik' xawil li maa'usilal; jo'kan naq, at inYos, laaYos xsik' chaq aawu ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' chixjunil laawech awab'ejil”.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Jueces 11:29

Toja' naq li xMusiq' li Qaawa' kikub'e chaq sa' xb'een laj Jefté; ut a'in kixb'eeni Galahad ut Manasés, kinume'k Mispá re Galahad ut chirix a'an ki'ok sa' xna'ajeb' laj Amón.

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Números 27:18

Kichaq'ok li Qaawa' ut kixye re laj Moisés: “B'oq laj Josué, ralal laj Nun, a'an jun li winq nujenaq chi musiq'ej. K'e laawuq' sa' xb'een xjolom

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

2 Reyes 9:6

Tikto laj Jehú kixaqliik ut ki'ok sa' li kab'l, ut li propeet kixhoy li aseeyt sa' xb'een xjolom ut kixye re: “Jo'ka'in xye li Qaawa', xYos laj Israel: «Tatinxaqab' cho'q awab'ej reheb' lintenamit Israel.

1 Samuel 11:6

Naq laj Saúl kirab'i a'an, ki'eechaniik xb'aan li xmusiq' li Yos ut k'ajo' naq kichalk xjosq'il.

Jueces 14:6

Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

Jueces 13:25

Ut li xMusiq' li Qaawa' ki'ok chi eek'ank rik'in, aran wankeb' wi' li xmuheb'aaleb' laj Dan, sa' xyanq Sorá ut Estahol.

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

Hechos 13:22

Ab'anan moqon li Yos kirisi laj Saúl ut kixxaqab' laj David cho'q x'awab'ejeb', ut kixye chirix: «Xintaw laj David, ralal laj Jesé, jun li winq chaab'il jo' naraj linch'ool; a'an tixb'aanu chixjunil li nawaj».

Hebreos 11:32

Ut k'a' chik ru tinye? Xb'aan naq ink'a' raj taatz'aqloq we li kutan, wi tinseeraq'iq chirix laj Jedehón, laj Barak, laj Sansón, laj Jefté, laj David, laj Samuel ut eb' li propeet.

1 Samuel 2:35

Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

1 Samuel 18:12

Laj Saúl naxxiwa ru laj David xb'aan naq li Qaawa' wank rik'in laj David ut ink'a' chik nawank rik'in laj Saúl.

2 Samuel 2:4

Chirix chik a'an ke'wulak eb' laj Judá ut aran ke'xyul laj David cho'q awab'ej re Judá. Naq ke'xye resil re laj David naq eb' laj Yabés re Galahad a'aneb' li ke'muquk re laj Saúl,

2 Samuel 5:3

Jo'kan naq chixjunileb' li xcheekal winqul laj Israel ke'wulak Hebrón rik'in li awab'ej, ut laj David kixk'uub' jun sumwank rik'ineb' aran Hebrón, chiru li Qaawa', ut kiyule'k cho'q awab'ej re Israel.

2 Samuel 12:7

Toja' naq laj Natán kixye re laj David: “Li winq a'an, a'anat laa'at. Jo'ka'in xye li Qaawa', xYos laj Israel: «Laa'in xatinxaqab' cho'q awab'ej re Israel ut xatinkol chiru laj Saúl.

2 Samuel 23:1

Rik'in li aatin a'in kixraq aatinak laj David: “Raatin laj David, ralal laj Jesé; raatin li winq li kitaqsiik xwankil, a' li sik'b'il ru xb'aan li xYos laj Jakob, li chaab'il aj b'ichanel aj Israel:

Salmos 89:20

Najter q'e kutan xat-aatinak sa' moy u ut xaye reheb' laj paab'anel: “Xinsik' ru jun li winq q'axal kaw rib' ut xinterq'usi xk'ab'a' sa' xyanq lintenamit.

1 Samuel 1:19

Jo' wulajaq chik ke'wakliik toj eq'la, ke'xloq'oni ru li Qaawa' ut chirix chik a'an ke'sutq'iik sa' rochocheb' aran Ramá. Laj Elkaná kiwank rik'in lix Ana li rixaqil, ut li Qaawa' kirusila li ixq.

1 Crónicas 11:3

Jo'kan naq chixjunileb' li xcheekal winqul laj Israel ke'wulak Hebrón rik'in li awab'ej, ut laj David kixk'uub' jun sumwank rik'ineb' aran Hebrón, chiru li Qaawa', ut kiyule'k cho'q awab'ej re Israel, jo' chanru kixye li Qaawa' chi xtz'uumal re laj Samuel.

Salmos 89:21

Xintaw laj David aj k'anjel chiwu ut xinyul rik'in linloq'laj aseeyt.