1 Samuel 15:30 - Q'eqchi Bible

³⁰ Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

Li Santil hu

³⁰ Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

1 Samuel 15:30 ပူးပေါင်းရင်းမြစ်များ

San Juan 12:43

xb'aan naq a' chik li loq'al li neke'xk'e eb' li tenamit ke'xra chiru li loq'al nachalk rik'in li Yos.

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

2 Timoteo 3:5

aj paab'aneleb' naq te'xb'aanu rib', a'ut te'xtz'eqtaana li us. Maajunaji aawib' rik'ineb' a'an.

Habacuc 2:4

Taa'oso'q li ink'a' tiik ru xyu'am, ab'an li tiik xch'ool taawanq xyu'am xb'aan li xpaab'aal”.

1 Samuel 15:31

Toja' naq laj Samuel kisutq'iik chirix laj Saúl, ut a'in koxloq'oni ru li Qaawa'.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

Éxodo 9:27

Toja' naq laj Parahón kixtaqla xb'oqb'aleb' laj Moisés ut laj Aharón ut kixye reheb': “Anaqwan ninnaw naq xinmaakob'k. Li Qaawa' a'an tiik xch'ool, a'ut laa'in ut lintenamit aj maako.