1 Samuel 15:29 - Q'eqchi Bible

²⁹ Li Qaawa' a'an li xloq'al eb' laj Israel, ut ink'a' natik'ti'ik chi moko nawiib'ank xch'ool, xb'aan naq maawa' yal winq re naq tixjal xk'a'uxl”.

Li Santil hu

²⁹ Li Ka̱cuaꞌ Dios, aꞌan lix lokꞌaleb laj Israel. Aꞌan incꞌaꞌ naticꞌtiꞌic, chi moco naxjal xcꞌaꞌux. Li Dios, aꞌan ma̱cuaꞌ yal cui̱nk re nak tixjal xcꞌaꞌux, chan.

1 Samuel 15:29 ပူးပေါင်းရင်းမြစ်များ

Ezequiel 24:14

Laa'in, li Qaawa', xinye li waatin ut jo'kan taa'uxmanq. Ink'a' tinjal ru li waatin; ink'a' twil xtoq'ob'aal aawu chi moko taaraho'q linch'ool chawix. Jo' chanru laayehom ut laab'aanuhom, jo'kan ajwi' tinraqoq aatin sa' aab'een»”, chan li Qaawa'.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

2 Timoteo 2:13

Wi ink'a' tiik qach'ool chirix, a'ut A'an junelik tiik xch'ool xb'aan naq ink'a' naru tixq'et rib'.

Salmos 95:11

Jo'kan naq kinye rik'in jurament sa' linjosq'il: «Maajoq'e te'ok sa' linhilob'aal!»”.

2 Corintios 12:9

Ab'an a'an xye we: “Tz'aqal cho'q aawe li wusilal, xb'aan naq linwankil tz'aqal nak'utunk sa' xmajelal li metz'ew”. Jo'kan utan, chi anchal inch'ool toj tinnima wib' sa' xmajelal inmetz'ew, re naq taahilanq wik'in li xwankil li Kriist.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Isaías 45:24

ut te'xye naq ka'ajwi' rik'in li Qaawa' wank li tiikilal ut li wankilal». K'ajo'aq xxutaaneb' naq te'sutq'iiq chaq wik'in jo'k'ihaleb' li xik' neke'ilok we.

Salmos 68:35

Chek'e reetal li xnimal xwankil li Qaawa': nalemtz'unk li xloq'al sa' xb'eeneb' laj Israel, ut li xnimal xwankil nawulak toj sa' li choql.

Salmos 29:11

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Deuteronomio 33:27

Li najteril Yos a'an li namuheelank aawe; laa'at wankat junelik rub'el li xkupuhom. A'an na'aanilasink reheb' chawu li xik' neke'ilok aawe, ut naxye aawe: «Sacheb' ru».

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

Hebreos 7:21

a'ut li Jesus kixaqab'aak rik'in jurament xb'aan li Yos li kixye: “Kixye li Qaawa' rik'in xjurament ut ink'a' taach'inanq xch'ool: «Laa'at aj tij chi junelik»”.