1 Samuel 15:28 - Q'eqchi Bible

²⁸ Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

Li Santil hu

²⁸ Laj Samuel quixye re laj Saúl: —Li Ka̱cuaꞌ quixmakꞌ cha̱cuu la̱ cuanquil anakcuan ut quixqꞌue re jun chic kꞌaxal cha̱bil cha̱cuu la̱at.

1 Samuel 15:28 ပူးပေါင်းရင်းမြစ်များ

Hechos 13:22

Ab'anan moqon li Yos kirisi laj Saúl ut kixxaqab' laj David cho'q x'awab'ejeb', ut kixye chirix: «Xintaw laj David, ralal laj Jesé, jun li winq chaab'il jo' naraj linch'ool; a'an tixb'aanu chixjunil li nawaj».

Romanos 13:1

Chexpaab'anq chejunilex chiruheb' li wankeb' xwankil sa' qab'een, xb'aan naq maa'ani wank xwankil chi ink'a' ta k'eeb'il re xb'aan li Yos, ut eb' li wankeb' xwankil, a' li Yos kixaqab'ank reheb'.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

1 Samuel 16:12

Tikto laj Jesé kixtaqla xb'oqb'al laj David. Li al a'an q'anq'an rismal, ch'ina'us xsa' ru ut xchaq'al ru na'ilok. Toja' naq li Qaawa' kixye re laj Samuel: “Xaqlin ut yul, xb'aan naq a'an a'in”.

1 Samuel 13:14

A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

1 Samuel 18:8

K'ajo' naq kiraho'k xch'ool laj Saúl naq kirab'i a'an; kichalk xjosq'il ut kixye: “Yookeb' chi xyeeb'al naq laj David xkamsiheb' lajeeb' mil ut laa'in jun mileb' ajwi'. Ka'aj chik maa nakanaak chi awab'ej!”, chan.

2 Samuel 3:9

Chinxrahob'tesiiq li Qaawa' chi q'axal ra wi ink'a' tinb'aanu re laj David jo' chanru li xyeechi'om li Qaawa' re a'an,

2 Samuel 3:10

naq trisi xwankileb' li ralal xk'ajol laj Saúl ut tixk'ojob' xwankil laj David sa' xb'een Israel ut Judá, chalen chaq Dan toj Berseba”.

2 Samuel 3:18

Us b'i', xtaw xq'ehil. B'aanuhomaq anaqwan, xb'aan naq xyehom li Qaawa' re laj David laj k'anjel chiru naq, sa' xk'ab'a' a'an, tixkoleb' li xtenamit Israel sa' ruq'eb' laj Filistea jo' ajwi' sa' ruq'eb' chixjunileb' li xik' neke'ilok reheb'”.

2 Samuel 6:21

Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

1 Crónicas 10:14

Ink'a' kixpatz' xna'leb' rik'in li Yos. Jo'kan naq li Qaawa' kirisi li xyu'am ut a' chik laj David, ralal laj Jesé, ki'ok chi awab'ejink sa' xna'aj.

1 Samuel 25:30

Naq akaq xb'aanu li Yos chixjunil li kixyeechi'i aawe ut naq akaq xatxxaqab' cho'q aj k'amol xb'eheb' laj Israel,

1 Reyes 11:11

Jo'kan naq li Qaawa' kixye re laj Salomón: “Laa'at xab'aanu chi jo'ka'in ut ink'a' xapaab' linsumwank ut eb' li waatin li xink'e chapaab'. Jo'kan naq twisi laawankil ut tink'e re jun aj k'anjel chawu.

Li xHu LAJ JOB 34:24

Naxsach ruheb' li ninqeb' xwankil chi ink'a' naxpatz' k'aru xmaakeb', ut jalan chik naxkanab' sa' xna'ajeb'.