1 Samuel 15:23 - Q'eqchi Bible

²³ Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Li Santil hu

²³ Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

1 Samuel 15:23 ပူးပေါင်းရင်းမြစ်များ

Jeremías 28:16

Jo'kan naq li Qaawa' xye chi jo'ka'in: «Laa'in tin'isinq aawe sa' li ruuchich'och'. Chiru li chihab' a'in tatkamq xb'aan naq xatakchi'eb' li tenamit chi q'etq'eto'k chiwu -chan li Qaawa'»”.

1 Samuel 13:14

A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

Levítico 20:6

Ani taapatz'oq rik'ineb' li musiq'ej ut rik'ineb' laj q'e, ut tixmux rib' sa' xk'ab'a'eb' a'an, laa'in tintz'eqtaana ut twisi sa' xyanqeb' li rech tenamitul.

Gálatas 5:20

xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib',

Jeremías 29:32

Jo'kan naq laa'in, li Qaawa', tink'e laj Semaías, aj Nehelam, chi xtojb'al li xmaak jo'wi' chixjunileb' li ralal xk'ajol. Maajun reheb' a'an taawanq sa' xyanqeb' lintenamit, chi moko toxyal li sahilwank li tink'e reheb' lintenamit, xb'aan naq laj Semaías xk'am xb'eheb' chi q'etq'eto'k chiwu», chan li Qaawa'”.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Salmos 107:11

xb'aan naq ke'xq'et raatin li Qaawa' ut ke'xtz'eqtaana li xk'uub'ahom li Nimajwal Yos.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Éxodo 22:18

“Maakanab' chi yo'yo li ixq aj tuul.

Génesis 31:34

Ab'an lix Rakel kixokok chaq re li kok' yos, kixmuq rub'el li k'ojarib'aal wank chirix li kameey ut kik'ojlaak sa' xb'een. Naq laj Labán kixpoqle chixjunil li muheb'aal, maak'a' kixtaw.

Génesis 31:19

Sa' li kutan a'an, naq laj Labán yo chaq chi xb'esb'aleb' rix li xkarneer, lix Rakel kirelq'a li xkok' yoseb' li xyuwa'.

Li xHu LAJ JOB 34:37

Moko ka'aj ta wi' li maak a'an xb'aanu; yo aj b'an wi' chi xq'etq'etinkil rib' chiru li Yos; naxse'e ut naxwech' li Qaawa'”.

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Levítico 20:27

“Wi junaq winq malaj ixq taa'aatinaq rik'ineb' li musiq'ej malaj ut taaq'ehib'k, taakamsiiq chi pek, ut a'aneb' ajwi' wanqeb' wi' naq te'kamsiiq”.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Isaías 19:3

Tinpo' xna'leb'eb' laj Ejiipt, ut ink'a' chik taach'olaaq li xk'uub'ahomeb'. Toja' naq te'xik chi patz'ok rik'in li xyoseb', rik'inatqeb' laj tuul, eb' laj q'e ut eb' li neke'tz'ilok rix chahim.

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

Deuteronomio 9:24

Chalen naq kinnaw eeru, laa'ex q'etq'etex chiru li Qaawa' leeYos!

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Hechos 13:22

Ab'anan moqon li Yos kirisi laj Saúl ut kixxaqab' laj David cho'q x'awab'ejeb', ut kixye chirix: «Xintaw laj David, ralal laj Jesé, jun li winq chaab'il jo' naraj linch'ool; a'an tixb'aanu chixjunil li nawaj».

1 Samuel 28:3

Ak kamenaq chik laj Samuel, ut chixjunileb' laj Israel ke'yaab'ak chirix ut ke'xmuq aran Ramá, sa' li xtenamit. Laj Saúl ak kirisiheb' sa' xyanqeb' laj Israel chixjunileb' laj q'e ut eb' laj aatinanel rik'in kamenaq.

2 Samuel 7:15

Ab'anan ink'a' tinkanab' xraab'al ut ruxtaanankil ru jo' kinb'aanu re laj Saúl li kiwisi sa' xwankil re naq laa'ataq chik reeqaj a'an.

2 Samuel 12:9

Ab'anan k'a' naq xatz'eqtaana li waatin ut xab'aanu li ink'a' nawulak chiwu? Xakamsi chi ch'iich' laj Urías laj Hit, xataqla chi kamsiik xb'aaneb' laj Amón ut xak'am li rixaqil.

1 Crónicas 10:13

Jo'ka'in naq kikamk laj Saúl, xb'aan naq kimaakob'k naq kixq'etq'eti rib' chiru li Qaawa': ink'a' kixpaab' li raatin li Qaawa' ut kipatz'ok rik'in jun li ixq aj q'e.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

Oseas 13:11

Sa' linjosq'il kink'e laa'awab'ej, ut xb'aan linjosq'il kiwisi wi' chik chawu.