1 Samuel 15:22 - Q'eqchi Bible

²² Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Li Santil hu

²² Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

1 Samuel 15:22 ပူးပေါင်းရင်းမြစ်များ

Oseas 6:6

Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.

Proverbios 21:3

Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

San Marcos 12:33

ut xraab'al A'an chi anchal qach'ool, chi anchal qak'a'uxl ut chi anchal qametz'ew, jo' ajwi' xraab'aleb' li qas qiitz'in jo' naq naqara qib' a'an q'axal nim xwankil chiru chixjunileb' li k'atb'il xul ut li k'a'aq chik ru chi mayejil.

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

San Mateo 12:7

Wi ta xetaw ru li aatin a'in: «Uxtaanank nawaj, ink'a' mayejak», ink'a' raj neketeneb' maak sa' xb'eeneb' li maak'a'eb' xmaak.

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

San Mateo 5:24

kanab' wan laamayej chiru li artal ut ayu xb'enwa chi xk'amb'al aawib' sa' usilal rik'in laawas aawiitz'in; toja' naq tatsutq'iiq chaq ut taayeechi'i laamayej.

Jeremías 26:13

Chaab'ilob'resiiq leeyu'am ut leeyehom eeb'aanuhom, paab'omaq li Qaawa' leeYos, ut A'an ink'a' tixtaqla chaq li rahilal sa' eeb'een jo' xineerab'i chi xyeeb'al.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Génesis 4:4

Jo'kan ajwi' laj Abel kixmayejaheb' li xb'een raleb' li xkarneer ut chixjunil li xxeeb'ul. Li Qaawa' kisaho'k xch'ool rik'in laj Abel jo'wi' rik'in li xmayej,

1 Samuel 13:13

Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

1 Samuel 13:12

Jo'kan naq xinye sa' inch'ool: Anaqwan kub'eekeb' chaq re laj Filistea re yalok wik'in arin Kilkal ut maji' nintz'aama rusilal li Qaawa' sa' inb'een. Jo'kan naq tento xinyeechi'i li k'atb'il mayej”, chan.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.