1 Samuel 14:47 - Q'eqchi Bible

⁴⁷ Naq laj Saúl kixaqab'aak cho'q awab'ej re Israel, kiyalok yalaq b'ar rik'ineb' li xik' neke'ilok re: rik'ineb' laj Mohab, laj Amón ut eb' laj Edom, rik'in li awab'ej re Sobá ut rik'ineb' laj Filistea. Yalaq b'ar naxik, naq'axok chaq u.

Li Santil hu

⁴⁷ Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

1 Samuel 14:47 ပူးပေါင်းရင်းမြစ်များ

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

1 Samuel 14:52

Jo' najtil kiyo'yook laj Saúl, kaw kiyalok rik'ineb' laj Filistea. Ut naq naril junaq winq kaw rib' ut yo'oon chi yalok, naxb'oq chaq ut naxk'e sa' xyanqeb' laj puub'.

2 Reyes 14:27

Jo'kan naq li Qaawa' toj maji' kiraj xsachb'al li xk'ab'a' laj Israel sa' xb'een xteepal li ruuchich'och', ut kixkoleb' sa' ruq' laj Jerobohán, ralal laj Johás.

1 Reyes 11:23

Jo'kan ajwi', li Qaawa' kixk'e naq laj Resón, ralal laj Eliadá, xik' taaril laj Salomón. Laj Resón a'an li ki'elelik chiru laj Hadadéser, laj eechal re, awab'ej re Sobá;

2 Samuel 8:3

Laj David kixq'ax ajwi' ru laj Hadadéser, ralal laj Rejob, awab'ej re Sobá, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

1 Samuel 13:1

Ak wank xchihab' laj Saúl naq kixtikib' awab'ejink, ut chiru ka'k'aal chihab' kitaqlank sa' xb'eeneb' laj Israel.

1 Samuel 12:2

Chalen anaqwan a' chik li awab'ej taak'amoq eeb'e. Laa'in ak tiixin chik, saq chik linjolom ut eb' li walal wankeb' sa' eeyanq. Laa'in xink'amok eeb'e chalen sa' linsaajilal toj anaqwan,

1 Samuel 14:46

Laj Saúl kixkanab' raanilasinkileb' laj Filistea, ut eb' a'in koxe'xtaw li xtenamiteb'.

1 Samuel 21:7

Sa' li kutan a'an wank aran jun aj k'anjel chiru laj Saúl; kikanaak aran chi xb'aanunkil jun li xtaqlankil chiru li Qaawa'. Li winq a'an aj Dohek xk'ab'a', aj Edom, xjolomileb' laj k'aak'alenel xketomq laj Saúl.

Génesis 19:37

Li chaq'na'b'ej kiwank jun xk'uula'al, ut aj Mohab kixk'e cho'q xk'ab'a': a'an xyuwa'ileb' laj Mohab chalen toj anaqwan.

Génesis 19:38

Jo'kan ajwi' li iitz'inb'ej kiwank jun xk'uula'al, ut aj Ben-Amí kixk'e cho'q xk'ab'a': a'an xyuwa'ileb' laj Amón chalen toj anaqwan.

Génesis 36:1

A'aneb' a'in li ralal xk'ajol laj Esaú, aj Edom ajwi' xk'ab'a'.

Génesis 36:8

Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

Génesis 36:19

A'aneb' a'in li ralal xk'ajol laj Esaú, aj Edom ajwi' nayeemank re. A'aneb' li ke'taqlank sa' li xtenamiteb'.

2 Samuel 1:22

Maajun sut ke'sutq'iik laj Saúl ut laj Jonatán chi ink'a' ta neke'xtza li xch'iich'eb' ut li simajeb' sa' xkik'eleb' li kamenaq, sa' xxeeb'uleb' li yo'ooneb' chi yalok.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.