1 Samuel 14:45 - Q'eqchi Bible

⁴⁵ Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

Li Santil hu

⁴⁵ Abanan eb li soldados queꞌxye re laj Saúl: —¿Ma ta̱ru̱k ta biꞌ ta̱ca̱mk laj Jonatán? Incꞌaꞌ, xban nak aꞌan xcoloc ke la̱o aj Israel chiruheb laj filisteo. Incꞌaꞌ ta̱ru̱k ta̱camsi̱k. Saꞌ xcꞌabaꞌ li yoꞌyo̱quil Dios nakaye nak chi moco jun li rismal xjolom ta̱isi̱k xban nak li cꞌaꞌru quixba̱nu anakcuan, quixba̱nu xban nak li Ka̱cuaꞌ quitenkꞌan re, chanqueb. Joꞌcan nak eb li soldados queꞌxcol laj Jonatán ut incꞌaꞌ quicamsi̱c.

1 Samuel 14:45 ပူးပေါင်းရင်းမြစ်များ

Hechos 27:34

Jo'kan naq nintz'aama usilal cheru, chexwa'aq: us cho'q eere, re naq texkole'q. Maajun sa' eeyanq taasachq junaq rismal xjolom.

San Lucas 21:18

Ab'anan chi moko junaq ta rismal leejolom taasachq.

2 Samuel 14:11

Kixye wi' chik li ixq: “At awab'ej, nintz'aama chawu, tijon chiru li Qaawa' laaYos re naq laj eeqajunel kik' ink'a' chixyu' li rahilal a'in rik'in xkamsinkil linyum”. Kichaq'ok li awab'ej: “Sa' xk'ab'a' li Qaawa' ninye aawe naq maajun rismal laayum taat'ane'q sa' ch'och'”, chan.

1 Reyes 1:52

Kichaq'ok laj Salomón ut kixye: “Wi taawanq jo' jun li winq chaab'il xch'ool, ink'a' taat'ane'q sa' ch'och' junaq rismal xjolom. Ab'anan wi taatawmanq xlab'alil xch'ool, taakamsiiq”, chan.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

San Mateo 10:30

Ut laa'ex, toj ajlanb'ileb' chixjunil li rismal leejolom!

Apocalipsis 19:14

Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Hechos 21:19

Laj Pablo kixk'eheb' xsahil xch'ool ut ki'ok chi xseeraq'inkil chi xjunjunqal chixjunil li kixb'aanu li Yos sa' xyanqeb' li maawa'eb' aj Judiiy sa' xk'ab'a' li xk'anjel.

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

1 Corintios 3:9

Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

Hechos 14:27

Ut naq ke'wulak, ke'xch'utub' li Iklees ut ke'xseeraq'i reheb' chixjunil li kilajxb'aanu li Yos rochb'eeneb' ut chanru naq kixte li rokeb'aal li paab'aal chiruheb' li maawa'eb' aj Judiiy.

Isaías 13:3

Laa'in xintaqla xb'oqb'aleb' li xq'axtesihomeb' rib' chiwu, xinb'oqeb' li jwal kaweb' rib' chi yalok, eb' li neke'saho'k rik'in linwankilal, re naq te'yaloq sa' ink'ab'a' re risinkil linjosq'il”.

Nehemías 9:27

Jo'kan naq kaq'axtesiheb' sa' ruq'eb' li xik' neke'ilok reheb' ut naab'al li rahilal ke'xk'ul. Moqon chik, naq yo xrahob'tesinkileb', ke'xjap reheb' re xtz'aamankil xtenq'ankileb' aawe, ut laa'at toj sa' choxa kawab'iheb' chaq: sa' xk'ab'a' xnimal laawusilal kataqlaheb' winq li ke'kolok reheb' sa' ruq'eb' laj rahob'tesinel.

2 Crónicas 19:11

Laj Amarías, li xb'eenil aj tij, a'an taajolominq eere sa' chixjunil li xk'anjel li Qaawa'; ut laj Sebadías, ralal laj Ismael, xjolomil li xteepal aj Judá, taajolominq re li k'aru naraj li awab'ej. Ut eb' laj Leví te'tenq'anq eere. Kawaq b'i' eech'ool ut yalomaq eeq'e chi k'anjelak! Li Qaawa' chiwanq taxaq rik'in li chaab'ilaq xch'ool”.

1 Samuel 19:5

Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.

1 Samuel 14:23

Jo'ka'in naq li Qaawa' kixk'eheb' laj Israel chi q'axok u sa' li kutan a'an. Li yalok kiwulak toj junpak'al Bet-Jorón.

1 Samuel 14:46

Laj Saúl kixkanab' raanilasinkileb' laj Filistea, ut eb' a'in koxe'xtaw li xtenamiteb'.

1 Samuel 11:13

Ab'an laj Saúl kixye: “Maajun chikamq anaqwan, xb'aan naq li Qaawa' xooxkol laa'o aj Israel sa' li kutan a'in”.