1 Samuel 14:40 - Q'eqchi Bible

⁴⁰ Jo'kan naq laj Saúl kixye reheb' chixjunil laj Israel: “K'ehomaq eerib' aran, ut laa'in wochb'een laj Jonatán li walal tqak'e qib' arin”. Ke'chaq'ok chixjunileb': “B'aanu li nakak'oxla naq us”, chankeb'.

Li Santil hu

⁴⁰ Ut laj Saúl quixye reheb: —La̱ex texxakli̱k aran ut la̱in tinxakli̱k arin cuochben laj Jonatán li cualal, chan. Ut eb li soldados queꞌxye: —Ba̱nu li cꞌaꞌru nacacꞌoxla nak us xba̱nunquil, chanqueb.

1 Samuel 14:40 ပူးပေါင်းရင်းမြစ်များ

2 Samuel 15:15

Eb' laj k'anjel ke'xsume laj David: “At awab'ej, chixjunil li taaye laa'at, laa'o tqab'aanu”, chankeb'.

1 Samuel 14:36

Chirix chik a'an kixye: “Kub'eeqo chiru q'oqyink chi raanilasinkileb' laj Filistea. Tooyaloq rik'ineb' toj taasaqewq, re naq maajun chik reheb' taakanaaq chi yo'yo”, chan. Kisumeek: “B'aanu li nakak'oxla naq us”, chankeb'. Ab'an laj tij kixye: “Jiloqo arin chiru li Yos chi patz'ok”.

1 Samuel 14:7

Kichaq'ok laj tenq' re: “B'aanu li k'aru naxye laach'ool. Yo'o, laa'in tatintenq'a”, chan.

1 Samuel 14:39

Sa' xk'ab'a' li yo'yookil Yos li xkolok re laj Israel, ninye eere naq li ani wank xmaak taakamq, us ta a'an laj Jonatán li walal”, chan. Maajun sa' xyanqeb' li tenamit kichaq'ok.

1 Samuel 14:41

Toja' naq laj Saúl kixye: “At Qaawa', xYos laj Israel, k'a'ut naq ink'a' nakasume laj k'anjel chawu sa' li kutan a'in? Wi laa'in wank inmaak malaj xmaakob'k laj Jonatán li walal, k'e Urim, at Qaawa', xYos laj Israel. Ab'anan wi laatenamit Israel wank xmaak, k'e Tumim”, chan naq kitijok. Ut naq ke'b'uulik, kik'utunk naq laj Saúl ut laj Jonatán wankeb' xmaak, ut eb' li tenamit ke'kanaak chi maak'a'eb' xmaak.

1 Samuel 1:23

Kichaq'ok laj Elkaná li xb'eelom: “B'aanu li k'aru us nakak'oxla ut kanaaqat toj taamaq' xtu' li k'uula'al. A' taxaq li Qaawa' chixb'aanu li k'aru xyeechi'i”, chan. Jo'kan naq li ixq kikanaak sa' rochoch ut kixtu'resi li xk'uula'al toj reetal kixmaq' chi tu'.