1 Samuel 14:38 - Q'eqchi Bible

³⁸ Jo'kan naq laj Saúl kixb'oqeb' chixjunileb' li xjolomil li tenamit ut kixye reheb': “Tz'ilomaq rix ut ilomaq ani xmaakob'k sa' li kutan a'in.

Li Santil hu

³⁸ Joꞌcan nak laj Saúl quixbokeb li nequeꞌcꞌamoc be saꞌ xya̱nkeb li soldados ut quixye reheb: —Quimkex arin. Takatzꞌil a̱tin re xnaubal ani xma̱cob chiru li cutan aꞌin.

1 Samuel 14:38 ပူးပေါင်းရင်းမြစ်များ

Zacarías 10:4

Sa' xyanqeb' a'an te'elq laj jolominel, laj k'amol b'e ut li ninqeb' xwankil; sa' xyanqeb' a'an te'elq ajwi' chixjunileb' laj k'amol b'e.

Salmos 47:9

Li Qaawa' na'awab'ejink sa' xb'een chixjunileb' li tenamit, k'ojk'o li Yos sa' li xloq'laj k'ojarib'aal.

2 Samuel 18:3

Ab'anan eb' a'an ke'xye re: “Ink'a' tatxik laa'at, xb'aan naq wi laa'o too'eleliq, eb' li xik' neke'ilok qe maak'a' neke'raj wi'. Us ta te'kamq jun yiijachaq qe laa'o, eb' a'an maak'a' neke'raj re. Laa'at jo'kat lajeeb' mil qe laa'o. Jo'kan naq q'axal us naq tatkanaaq sa' li tenamit re naq toj aran toohaatenq'a chaq”.

Jueces 20:2

Li xninqal ru winqeb' re chixjunil li tenamit ut chixjunileb' li xteepal laj Israel ke'ok sa' li xloq'laj ch'utam li xtenamit li Yos: li xk'ihaleb' a'an jun o'q'ob' mil (400,000) chi winq li wankeb' xch'iich' ut yal chi roqeb'.

Josué 7:11

Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

San Mateo 21:42

Kixye li Jesus reheb': —Ma maajun wa eerilom sa' li Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l. A' li Qaawa' kib'aanunk re a'in, ut a'an sachb'ach'oolej chiqu»?

Josué 7:12

Jo'kan naq eb' laj Israel ink'a' te'xkuy sa' ruq'eb' li xik' neke'ilok reheb'; te'eleliq b'an chiruheb', xb'aan naq relik chi yaal xk'ulub'eb' naq te'sache'q. Wi laa'ex ink'a' teesach ru li k'aru xexok, ink'a' chik tinwanq eerik'in.