1 Samuel 14:36 - Q'eqchi Bible

³⁶ Chirix chik a'an kixye: “Kub'eeqo chiru q'oqyink chi raanilasinkileb' laj Filistea. Tooyaloq rik'ineb' toj taasaqewq, re naq maajun chik reheb' taakanaaq chi yo'yo”, chan. Kisumeek: “B'aanu li nakak'oxla naq us”, chankeb'. Ab'an laj tij kixye: “Jiloqo arin chiru li Yos chi patz'ok”.

Li Santil hu

³⁶ Laj Saúl quixye reheb lix soldado: —Yoꞌkeb chi pletic riqꞌuineb laj filisteo chiru li kꞌojyi̱n aꞌin. Topletik riqꞌuineb toj ta̱sake̱uk re nak ma̱ jun chic reheb ta̱cana̱k chi yoꞌyo, chan. Eb li soldados queꞌxye: —La̱o takaba̱nu joꞌ ta̱ye, chanqueb. Abanan laj tij quixye: —Kapatzꞌak xbe̱n cua re li Dios ma us toxic chi pletic malaj ut incꞌaꞌ us, chan.

1 Samuel 14:36 ပူးပေါင်းရင်းမြစ်များ

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Jeremías 6:5

Maak'a' naxye, yo'qeb' chi yalok chiru li q'oqyink ut qajuk'aq eb' li xch'ina'usal ochoch!”.

Isaías 58:2

Neke'xye naq rajlal kutan nikine'xsik' ut nawulak chiruheb' xnawb'al li wajom, jo' jun tenamit nab'aanunk re li us ut ink'a' naxtz'eq chirix xch'ool li xtaqlahom li xYos. Neke'xpatz' we li chaq'rab' jwal chaab'il ut nawulak chiruheb' wank chink'atq.

Salmos 73:28

A'ut li wank chi xk'atq li Yos a'an li us cho'q we: laa'in xinq'axtesi wib' rub'el roq rub'el ruq' li Qaawa', ut nawaj xpuktesinkil resil chixjunil li xb'aanuhom.

1 Samuel 14:3

(laj tij li wank li efod chirix, a'an aj Ajías, ralal laj Ajitub, riitz'in laj Ikabod, ralal laj Pinjás, ralal laj Elí, laj tij chiru li Qaawa' aran Siló). Eb' laj puub' ink'a' ke'xk'e reetal naq xikenaq laj Jonatán.

1 Samuel 11:11

Wulajaq chik a'an, laj Saúl kixk'eheb' laj puub' sa' oxib' tzol, ut eb' a'an koxe'xkut rib' sa' xb'eeneb' laj Amón toj hik'ho ut ke'xsach ruheb' toj kiwa'leb'o'k. Ut eb' li ink'a' ke'kamsiik, ke'elelik ut ke'xcha'cha'i rib'eb'.

Josué 11:14

Ke'xkamsi chi ch'iich' jo'k'ihaleb' li wankeb' xyu'am sa'eb' li tenamit a'an; maajun kikanaak chi yo'yo, ut ke'reechani chixjunil li k'a'aq re ru jo'wi' li xketomqeb'.

Josué 10:19

Ab'an laa'ex meekanab' xik chirixeb' li xik' neke'ilok eere ut cheram li xb'eheb' re naq ink'a' te'ok sa' li xtenamiteb', xb'aan naq li Qaawa' leeYos xk'eheb' sa' leeruq'”, chan.

Números 27:21

Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

1 Samuel 1:23

Kichaq'ok laj Elkaná li xb'eelom: “B'aanu li k'aru us nakak'oxla ut kanaaqat toj taamaq' xtu' li k'uula'al. A' taxaq li Qaawa' chixb'aanu li k'aru xyeechi'i”, chan. Jo'kan naq li ixq kikanaak sa' rochoch ut kixtu'resi li xk'uula'al toj reetal kixmaq' chi tu'.