1 Samuel 14:3 - Q'eqchi Bible

³ (laj tij li wank li efod chirix, a'an aj Ajías, ralal laj Ajitub, riitz'in laj Ikabod, ralal laj Pinjás, ralal laj Elí, laj tij chiru li Qaawa' aran Siló). Eb' laj puub' ink'a' ke'xk'e reetal naq xikenaq laj Jonatán.

Li Santil hu

³ (Laj tij li cuan lix efod chirix, aꞌan laj Ahías li ralal laj Ahitob. Laj Ahitob, aꞌan li ri̱tzꞌin laj Icabod. Ut laj Icabod, aꞌan li ralal laj Finees. Laj Finees, aꞌan li ralal laj Elí laj tij li nacꞌanjelac chiru li Dios aran Silo.) Ma̱ ani quinaꞌoc re nak laj Jonatán co̱ bar cuanqueb cuiꞌ laj filisteo.

1 Samuel 14:3 ပူးပေါင်းရင်းမြစ်များ

1 Samuel 22:20

Ka'ajwi' jun ralal laj Ajimélek, ralal laj Ajitub, aj Abiatar xk'ab'a', kiruhank chi elelik ut koho eelel wan wi' laj David.

1 Samuel 4:21

Aj Ikabod kixk'e cho'q xk'ab'a' li k'uula'al, xb'aan naq kixye: “Li xloq'al li Yos ki'isiik sa' xyanqeb' laj Israel, xb'aan naq kichapmank li Loq'laj Kaax”. Kixye chi jo'kan xb'aan naq kichapmank li xLoq'laj Kaax li Yos ut kamenaqeb' chik li xb'eelom ut laj Elí.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

1 Samuel 1:3

Li winq a'an rajlal chihab' nataqe'k chaq sa' li tenamit chi loq'onink ut yeechi'ink mayej chiru li Nimajwal Yos aran Siló, b'arwi' wankeb' li wiib' chi ralal laj Elí, aj Jofní ut aj Pinjás xk'ab'a'eb', aj tijeb' chiru li Qaawa'.

1 Samuel 14:36

Chirix chik a'an kixye: “Kub'eeqo chiru q'oqyink chi raanilasinkileb' laj Filistea. Tooyaloq rik'ineb' toj taasaqewq, re naq maajun chik reheb' taakanaaq chi yo'yo”, chan. Kisumeek: “B'aanu li nakak'oxla naq us”, chankeb'. Ab'an laj tij kixye: “Jiloqo arin chiru li Yos chi patz'ok”.

1 Samuel 2:18

Laj Samuel li ch'ina'al wan chaq chi k'anjelak chiru li Qaawa', tiqto rik'in efod yiib'anb'il rik'in liin.

1 Samuel 4:4

Toja' naq eb' li tenamit ke'xtaqlaheb' aj k'amonel aran Siló ut ke'xxok chaq li xLoq'laj Kaaxil li xSumwank li Nimajwal Yos, li nahilank sa' xb'eeneb' li kerubín. Eb' li ke'ochb'eenink re li xLoq'laj Kaaxil li xSumwank li Yos, a'aneb' laj Ofní ut laj Pinjás, li wiib' chi ralal laj Elí.