1 Samuel 13:7 - Q'eqchi Bible

⁷ Wankeb' ajwi' aj Hebreo ke'q'axonk junpak'al li nima' Jordán, sa' xteepal Gad ut Galahad. Ab'an laj Saúl kikanaak Kilkal, ut chixjunileb' li tenamit neke'siksotk chi xk'atq.

Li Santil hu

⁷ Cuanqueb ajcuiꞌ laj Israel li queꞌco̱eb jun pacꞌal li nimaꞌ Jordán xbaneb xxiu saꞌ lix naꞌajeb li ralal xcꞌajol laj Gad ut laj Galaad. Abanan laj Saúl quicana aran Gilgal. Ut nequeꞌsicsot xbaneb xxiu chixjunileb li cuanqueb rochben.

1 Samuel 13:7 ပူးပေါင်းရင်းမြစ်များ

Jueces 7:3

Jo'kan utan, ye reheb' li tenamit naq jo'k'ihaleb' yooqeb' xxiw ut neke'siksotk, che'sutq'iiq sa' rochocheb'”. Chi jo'kan laj Jedehón kixyal rixeb': wiib' xka'k'aal mil (22,000) koheb' ut lajeeb' mil (10,000) ke'kanaak.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Deuteronomio 20:8

“Toja' naq eb' laj tz'iib' te'aatinaq wi' chik rik'ineb' li tenamit ut te'xye: «Ani yo xxiw ut nach'inank xch'ool? Xikaq ut sutq'iiq sa' rochoch re naq ink'a' tixch'ina xch'ooleb' li ras riitz'in, jo' naq xch'ina xch'ool a'an», cha'qeb'.

Deuteronomio 3:12

“Kiqeechani li tenamit a'in: chalen chaq Aroher, li wank chire li nima' Arnón, li xyiijachileb' li tzuul Galahad rochb'eeneb' li xtenamitul laa'in kink'e reheb' laj Rubén ut reheb' laj Gad.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

1 Samuel 13:8

Aran laj Saúl kiroyb'eni wuqub' kutan, jo' kiyehe'k re xb'aan laj Samuel; ab'an laj Samuel ink'a' kiwulak Kilkal ut eb' laj puub' ke'xcha'cha'i rib'eb'.

Josué 13:8

Li jun chik xyiijachil xteepaleb' laj Manasés, rochb'eeneb' laj Rubén ut eb' laj Gad, ak wank reechanihomeb' k'eeb'il xb'aan laj Moisés sa' xjayal releb'l saq'e re li nima' Jordán, jo' chanru laj Moisés, laj k'anjel chiru li Qaawa', kixk'e reheb':

Josué 13:11

Jo'kan ajwi' kixk'e Galahad ut li xch'och'eb' laj Jesur ut eb' laj Mahaká, chixjunil li tzuul Hermón ut chixjunil Basán toj Salká.

1 Samuel 17:11

K'ajo' naq ke'chalk xxiw ut ke'ok xk'a'uxl laj Saúl ut chixjunileb' laj Israel naq ke'rab'i li raatin laj Filistea!

1 Samuel 31:7

Naq eb' laj Israel li wankeb' junpak'al li taq'a ut junpak'al li nima' Jordán ke'ril naq eb' laj puub' aj Israel yookeb' chi elelik ut kamenaq chik laj Saúl rochb'eeneb' li ralal, ke'xkanab' li xtenamiteb' ut ke'elelik. Toja' naq ke'chalk eb' laj Filistea ut ke'na'ajunk aran.