1 Samuel 13:6 - Q'eqchi Bible

⁶ Naq eb' laj Israel ke'ril li ch'a'ajkilal wankeb' wi' ut li nimla rahilal yo chi chalk sa' xb'eeneb', koxe'xmuq rib' sa'eb' li ochoch pek, sa'atqeb' li xhopolal ut x'atz'alaleb' li saqoonak, rub'elatq ch'och' ut sa'eb' li kumb'-ha'.

Li Santil hu

⁶ Eb laj Israel queꞌril nak cuanqueb saꞌ chꞌaꞌajquilal ut incꞌaꞌ chic queꞌxtau cꞌaꞌru teꞌxba̱nu re xcolbaleb rib. Queꞌxmuk ribeb saꞌ eb li ochoch pec, saꞌ eb li jul, saꞌ eb li sako̱nac, ut saꞌ xya̱nkeb li ni̱nki pec ut queꞌxmuk ajcuiꞌ ribeb saꞌ eb li rok haꞌ li ma̱cꞌaꞌ haꞌ chi saꞌ.

1 Samuel 13:6 ပူးပေါင်းရင်းမြစ်များ

Jueces 6:2

K'ajo' naq eb' laj Madián ke'xrahob'tesiheb' laj Israel! Jo'kan naq eb' a'in ke'xmuq chaq rib' sa' xyanqeb' li tzuul, sa'eb' li ochoch pek ut sa'eb' li xaqxookil b'ool, re xkolb'al rib'eb' chiruheb' laj Madián.

Hebreos 11:38

(moko xk'ulub' ta li ruuchich'och' naq te'wanq li winq a'an rik'in); junelik taqen kub'en yookeb' chi nume'k sa' chaqich'och' ut sa'atqeb' li tzuul, sa'atqeb' li ochoch pek ut xjulel li ch'och'.

Filipenses 1:23

Ka'pak'al naweek'a lintitz'b'al: nawaj raj tinq'ajq tinsutq'iiq re naq wanqin rik'in li Kriist, ut a'in tz'aqal li q'axal us.

Isaías 42:22

A'ut li tenamit a'in xe'elq'aak ut xe'maq'je'k li k'aru wankeb' re, ut anaqwan tz'aptz'ookeb' chixjunileb' sa' tz'alam malaj sa'eb' li ochoch pek. Neke'maq'mank li k'a'aq re ru reheb' ut maajun nakolok reheb'; neke'elq'aje'k ut maajun nayehok: «Q'ajsihomaq chaq»”.

2 Samuel 24:14

Kichaq'ok laj David ut kixye re laj Gad: “Q'axal ch'a'aj wankin. Ab'anan jwal us raj naq tqaq'axtesi qib' sa' ruq' li Qaawa' li q'axal nim ruxtaan, chiru li t'ane'k sa' ruq'eb' li winq”, chan.

1 Samuel 24:3

Naq kiwulak sa' jun li na'ajej neke'ch'utlaak wi' eb' li karneer chire li b'e, laj Saúl kixk'e reetal naq aran wank jun li ochoch pek, ut ki'ok aran chi b'ehib'k. Laj David ut eb' li rochb'een wankeb' chaq toj chisa' li ochoch pek.

1 Samuel 23:19

Ab'an eb' laj Sif koheb' Kibehá wan wi' laj Saúl chi xyeeb'al re: “Laj David muqmu sa' li qana'aj, sa'eb' li saqoonak re Jorsa, sa' li tzuul Jakilá li wank sa' xjayal rokeb'l iq' re li chaqich'och'.

1 Samuel 14:11

Jo'kan naq ke'xk'e rib' chi ile'k xkab'ichaleb' xb'aaneb' laj puub' aj Filistea, ut eb' a'an ke'xye: “K'ehomaq reetal! Eb' laj Hebreo yookeb' chaq chi elk sa'eb' li ochoch pek b'arwi' xe'xmuq rib'eb'”.

Jueces 20:41

Toja' naq eb' laj Israel ke'xsutq'isi rib', ut eb' laj Benjamín k'ajo' naq ki'ok xxiweb' naq ke'ril li nimla rahilal yo chi chalk sa' xb'eeneb'!

Jueces 10:9

Eb' laj Amón ke'nume'k junpak'al li nima' Jordán re yalok ajwi' rik'ineb' laj Judá, eb' laj Benjamín ut eb' laj Efraín. Ut q'axal ra ke'xk'ul eb' laj Israel.

Josué 8:20

Eb' laj Ay ke'ilok chirixeb' ut ke'ril li xsib'el li tenamit yo chi taqe'k sa' choxa: maab'ar chik ke'ruuk chi elelik, xb'aan naq eb' laj Israel li yookeb' chi xik aj eelel sa' li chaqich'och' ke'sutq'iik chaq sa' xb'eeneb' laj aanilasinel reheb'.

1 Samuel 7:7

Naq eb' laj Filistea ke'xnaw naq eb' laj Israel wankeb' Mispá, eb' li xjolomileb' laj Filistea koheb' chi yalok rik'ineb'. Ut naq ke'rab'i a'an eb' laj Israel, ki'ok xxiweb' xb'aaneb' laj Filistea

1 Samuel 13:15

Tikto laj Samuel ki'elk Kilkal ut koho sa' li xb'e. Li rela'eb' laj puub' koheb' chirix laj Saúl re yalok: ke'xkanab' Kilkal ut ke'wulak Kibehá re Benjamín. Aran laj Saúl kirajlaheb' laj puub' li wankeb' rochb'een: wankeb' tana lajeek'aal xkab' o'q'ob' (600) chi winq.

1 Samuel 14:22

Jo'kan ajwi' chixjunileb' laj Israel li muqmuukeb' chaq sa' xtzuulul Efraín, naq ke'xnaw naq yookeb' chi elelik laj Filistea, jun xikikeb' chi yalok rik'ineb' ut chi raanilasinkileb'.

Ezequiel 33:27

“Ye ajwi' reheb': «Jo'ka'in xye li Qaawa': Sa' xk'ab'a' linloq'al, ninye li waatin naq eb' li wankeb' sa'eb' li juk'b'il tenamit, te'kamsiiq chi q'esnal ch'iich'; eb' li wankeb' sa' k'aleb'aal, te't'upiiq xb'aaneb' li josq' aj xul, ut eb' li wankatqeb' sa'eb' li ochoch pek ut eb' li saqoonak, te'kamq xb'aan li yajel.

1 Samuel 31:7

Naq eb' laj Israel li wankeb' junpak'al li taq'a ut junpak'al li nima' Jordán ke'ril naq eb' laj puub' aj Israel yookeb' chi elelik ut kamenaq chik laj Saúl rochb'eeneb' li ralal, ke'xkanab' li xtenamiteb' ut ke'elelik. Toja' naq ke'chalk eb' laj Filistea ut ke'na'ajunk aran.