1 Samuel 13:5 - Q'eqchi Bible

⁵ ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.

Li Santil hu

⁵ Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

1 Samuel 13:5 ပူးပေါင်းရင်းမြစ်များ

1 Samuel 14:23

Jo'ka'in naq li Qaawa' kixk'eheb' laj Israel chi q'axok u sa' li kutan a'an. Li yalok kiwulak toj junpak'al Bet-Jorón.

Josué 11:4

Chixjunileb' li awab'ej a'in koheb' rochb'eeneb' chixjunileb' laj puub', k'ajo' xk'ihaleb', kama' li samahib' chire li palaw, rochb'eeneb' ajwi' naab'aleb' li kawaay ut eb' li b'eleb'aal ch'iich'.

Josué 18:12

Li xnub'ajl sa' releb'l iq' natiklaak wan wi' li nima' Jordán, nataqe'k sa' xjayal releb'l iq' re Jerikó, toj naxtaw li k'iche' sa' rokeb'l saq'e, ut nokox'elq sa' li chaqich'och' re Bet-Abén.

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Jeremías 15:8

K'ajo'eb' li xmalka'an sa' xyanqeb', q'axal naab'aleb' chik chiru li samahib' chire li palaw. Chiru li kutan xe'chalk eb' laj sachonel re xkamsinkileb' li xna'eb' li saaj al. T'anaamil sa' xb'eeneb' li xiwak ut li rahilal.

Isaías 48:19

K'ajo'eb' raj laawalal aak'ajol, li xk'ihaleb' jo' raj xk'ihal li samahib' chire li palaw; maajoq'e raj xeb'insach ru laa'in, chi moko xe'isiik raj chiwu!”.

2 Crónicas 1:9

At Qaawa' Yos, anaqwan b'aanu li k'aru xayeechi'i re laj David linyuwa', xb'aan naq xinaaxaqab' cho'q awab'ej sa' xb'een jun li tenamit q'axal nim: naab'aleb' jo' li xpojtz'il li ruuchich'och'.

Jueces 7:12

Eb' laj Madián, eb' laj Amalek jo'eb' ajwi' chixjunileb' li wankeb' sa' xjayal releb'l saq'e xcha'cha'ihom rib'eb' sa' li taq'a, k'ajo'eb' xk'ihal kama' eb' laj saak', ut makach'in ajwi' xk'ihaleb' li xkameey, jo' tz'aqal xk'ihal li samahib' wank chire li palaw.

Josué 7:2

Wankeb' winq ke'taqlaak xb'aan laj Josué toj Ay, nach' rik'in Bet-Abén, sa' releb'l saq'e sa' xjayal Betel: “Ayuqex ut k'ehomaq chaq reetal li tenamit Ay”, chu'uxkeb' re. Eb' a'an ke'elk Jerikó, koheb' ut ke'xk'e reetal li tenamit Ay.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

1 Samuel 7:13

Jo'ka'in naq eb' Filistea ke'sache'k xwankil ut ink'a' chik ke'ok sa' xch'och'eb' laj Israel. Ut jo' najtil kiyo'yook laj Samuel, li Qaawa' kixk'ut li xwankil sa' xb'eeneb' laj Filistea.

1 Samuel 13:2

Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

1 Samuel 13:11

“K'aru xab'aanu?”, chan laj Samuel. Kichaq'ok laj Saúl ut kixye: “Xwil naq eb' laj puub' yookeb' chinkanab'ankil ut laa'at ink'a' ajwi' nakatk'ulunk sa' xq'ehil jo' xaye we, ut ak ch'utch'uukeb' laj Filistea aran Mikmás.

1 Samuel 17:1

Eb' laj Filistea ke'xch'utub'eb' laj puub' aran Sokó, sa' xteepal Judá; ke'xkawresi rib' re yalok ut ke'xyiib' li xmuheb'aaleb' aran Fesdamín, sa' xyanq Sokó rik'in Aseká.

2 Samuel 17:11

Jo'kan naq li na'leb' nink'e laa'in, a'an naq taach'utub' chixjunileb' laj Israel, chalen chaq Dan toj Berseba (a'aneb' naab'aleb' kama' li samahib' wank chire li palaw), ut laa'at tatk'amoq xb'eheb' sa' li yalok.

1 Reyes 20:27

Ke'ajlamank ajwi' eb' laj Israel ut naq ak ke'jek'iik xtzekemqeb', koheb' chi xk'ulb'aleb'. Eb' laj Israel koxe'kanaaq chiruheb' laj Aram: chanchaneb' wi' wiib' ch'uut chi chib'aat, a'ut eb' laj Aram yookeb' chi xnujob'resinkil li ruuchich'och'!

Isaías 10:28

Eb' laj Asiria ke'nume'k sa' li tenamit Mikrón naq ke'chalk sa' xb'eeneb' laj Ayat ut aran Mikmás ke'rajlaheb' laj puub'.

1 Samuel 14:52

Jo' najtil kiyo'yook laj Saúl, kaw kiyalok rik'ineb' laj Filistea. Ut naq naril junaq winq kaw rib' ut yo'oon chi yalok, naxb'oq chaq ut naxk'e sa' xyanqeb' laj puub'.