1 Samuel 13:3 - Q'eqchi Bible

³ Laj Jonatán kixkamsi jun ch'uuteb' aj Filistea li wankeb' aran Kibehá, ut eb' laj Filistea ke'rab'i resil. Toja' naq laj Saúl kixye naq chiyaab'asiiq li tronpeet sa' chixjunil li na'ajej, ut kixye: “Ab'ihomaq, ex aj Hebreo!

Li Santil hu

³ Laj Jonatán quixcamsiheb jun chꞌu̱tal chi xsoldado laj filisteo aran Gabaa. Ut eb laj filisteo queꞌrabi resil. Tojoꞌnak laj Saúl quixtakla xya̱basinquil li trompeta saꞌ chixjunil li tenamit re nak chixjunileb teꞌxnau cꞌaꞌru quicꞌulman.

1 Samuel 13:3 ပူးပေါင်းရင်းမြစ်များ

1 Samuel 10:5

Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

Jueces 3:27

Naq kiwulak sa' xyanqeb' laj Israel, sa' li xtzuulul Efraín, kixyaab'asi li xukub' ut eb' laj Israel ke'kub'e chaq sa' li tzuul re chalk rik'in. Toja' naq kixk'e rib' chiruheb'

Jueces 6:34

Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

Zacarías 14:10

Chixjunil li na'ajej a'an junes taq'a taakanaaq wi', chalen Keba toj Rimón, sa' xjayal rokeb'l iq' re Jerusalén. Ka'ajwi' Jerusalén tkanaaq taqe'q sa' xna'aj, ut wanqeb' xpoyanamil, chalen sa' li Rokeb'aal laj Benjamín toj sa' li Najter Okeb'aal, a' li Okeb'aal li wank sa' xuk; ut chalen wan wi' li najt xteramil rochoch laj Jananel toj sa' li xyatz'leb'aal aseeyt li awab'ej.

Isaías 10:29

Ke'q'axonk junpak'al li nima' ut koxe'hilanq Keba; eb' laj Ramá ke'xiwak ut ke'elelik eb' laj Kibehá, xtenamit laj Saúl.

2 Samuel 23:14

Laj David wank aran sa' li kawub'resinb'il na'ajej, ut jun ch'uuteb' aj Filistea wankeb' chaq Belén.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

2 Samuel 2:28

Tikto kixye naq chiyaab'asiiq li xukub'. Jo'kan naq kich'anaak li yalok: xaqaamileb' chixjunileb' laj puub' ut ink'a' chik ke'raanilasiheb' laj Israel.

1 Samuel 13:16

Laj Saúl, laj Jonatán li ralal ut eb' laj puub' li wankeb' rochb'eeneb' ke'kanaak Kibehá re Benjamín, ut eb' laj Filistea wankeb' aran Mikmás.

Josué 21:17

Sa' xteepal Benjamín kik'ehe'k Gabahón rochb'een xk'aleb'aaleb', Keba rochb'een xk'aleb'aaleb',

Josué 18:24

Kefar-Amoná, Ofní, Gabá: kab'laju chi tenamit rochb'eeneb' xk'aleb'aaleb'.