1 Samuel 13:19 - Q'eqchi Bible

¹⁹ Maak'a'eb' aj tenol ch'iich' sa' chixjunil xsutam Israel, xb'aan naq eb' laj Filistea ink'a' neke'raj naq eb' laj Hebreo te'xyiib' ch'iich' re yalok.

Li Santil hu

¹⁹ Ma̱ jun aj tenol chꞌi̱chꞌ cuan saꞌ xya̱nkeb laj Israel xban nak eb laj filisteo incꞌaꞌ queꞌraj nak eb laj Israel teꞌxyi̱b lix chꞌi̱chꞌ re pletic.

1 Samuel 13:19 ပူးပေါင်းရင်းမြစ်များ

2 Reyes 24:14

Kixk'ameb' chixjunileb' laj Jerusalén, chixjunileb' laj jolominel ut eb' laj puub', lajeeb' mileb' li ke'k'ame'k; kixk'am ajwi' chixjunileb' laj tenol ch'iich'. Ka'aj chik eb' li q'axal neb'a' ke'kanaak sa' li tenamit.

Jeremías 24:1

Moqon laj Nabukodonosor, li awab'ej re Babilonia, kixchap laj Jekonías, ralal laj Johakín, li awab'ej re Judá, rochb'eeneb' li xninqaleb' ru winq aj Judá, eb' laj tenol ch'iich' jo'wi' eb' laj peech', ut kixk'ameb' chi preexil aran Babilonia. Chirix chik a'an kixk'utb'esi chiwu wiib' chakach chi iig wankeb' chiru rochoch li Qaawa'.

Jueces 5:8

“Ke'xsik' ruheb' li ak'il yos ut, naq ak yo li yalok chire rokeb'aal li tenamit, maajun kaw rib' kiwakliik sa' xyanqeb' li ka'k'aal mil aj Israel.

Isaías 54:16

“K'e reetal, laa'in xinyoob'tesink re laj tenol ch'iich', li na'apunk re li ru xam ut naxyiib' li ch'iich' nak'anjelak chiru; laa'in ajwi' xinyoob'tesink re li winq aj sachonel re naq taasachoq ut taajuk'uq.

1 Samuel 13:20

Jo'kan naq chixjunileb' laj Israel tento neke'xik rik'ineb' laj Filistea chi xq'esnankileb' li xpikleb' ch'och', li xch'iich'eb', li xmaal malaj li xk'onoch ch'iich' wank reheb'.

Jeremías 29:2

Li hu a'in kitz'iib'aak naq elenaqeb' chik Jerusalén laj Jekonías, rochb'een li xna', eb' laj tenq' sa' li rochoch, eb' laj jolominel re Judá ut re Jerusalén, eb' laj tenol ch'iich' ut eb' laj peech'.