1 Samuel 13:14 - Q'eqchi Bible

¹⁴ A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

Li Santil hu

¹⁴ Abanan anakcuan incꞌaꞌ chic ta̱cua̱nk a̱cuanquil chi junelic xban nak xakꞌet xchakꞌrab li Dios. Li Ka̱cuaꞌ ac xsicꞌ ru jun chic li cui̱nk li tixba̱nu joꞌ naraj li Dios. Ut aꞌan chic ta̱takla̱nk saꞌ xbe̱neb laj Israel xban nak xakꞌet li ra̱tin li Ka̱cuaꞌ, chan.

1 Samuel 13:14 ပူးပေါင်းရင်းမြစ်များ

Hechos 13:22

Ab'anan moqon li Yos kirisi laj Saúl ut kixxaqab' laj David cho'q x'awab'ejeb', ut kixye chirix: «Xintaw laj David, ralal laj Jesé, jun li winq chaab'il jo' naraj linch'ool; a'an tixb'aanu chixjunil li nawaj».

1 Samuel 15:28

Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

Salmos 78:70

Kixsik' ru laj David, laj k'anjel chiru, ut kirisi chaq sa' xna'ajeb' li karneer

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

Hechos 7:46

A'in kixtaw usilal chiru li Yos ut kixtz'aama xyiib'ankil xmuheb'aal li xYos laj Jakob.

1 Samuel 16:12

Tikto laj Jesé kixtaqla xb'oqb'al laj David. Li al a'an q'anq'an rismal, ch'ina'us xsa' ru ut xchaq'al ru na'ilok. Toja' naq li Qaawa' kixye re laj Samuel: “Xaqlin ut yul, xb'aan naq a'an a'in”.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

1 Samuel 15:26

Ab'an laj Samuel kixsume: “Ink'a' tinxik chawix. Laa'at xatz'eqtaana li raatin li Qaawa', jo'kan naq tz'eqtaananb'ilat anaqwan xb'aan li Qaawa' re naq ink'a' chik tat-awab'ejinq sa' xb'eeneb' laj Israel”.

1 Samuel 24:20

Anaqwan ch'olch'o chiwu naq tat-ok cho'q awab'ej ut sa' aak'ab'a' laa'at xaqxooq chi kaw xwankil li tenamit Israel.

1 Samuel 25:30

Naq akaq xb'aanu li Yos chixjunil li kixyeechi'i aawe ut naq akaq xatxxaqab' cho'q aj k'amol xb'eheb' laj Israel,

2 Samuel 6:21

Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

1 Crónicas 10:13

Jo'ka'in naq kikamk laj Saúl, xb'aan naq kimaakob'k naq kixq'etq'eti rib' chiru li Qaawa': ink'a' kixpaab' li raatin li Qaawa' ut kipatz'ok rik'in jun li ixq aj q'e.

Isaías 39:5

Ut laj Isaías kixye re laj Esekías: “Ab'i li k'aru naxye li Nimajwal Yos:

Proverbios 27:24

xb'aan naq li b'ihomal ut li sahil eechej moko neke'wank ta junelik.