1 Samuel 13:13 - Q'eqchi Bible

¹³ Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

Li Santil hu

¹³ Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

1 Samuel 13:13 ပူးပေါင်းရင်းမြစ်များ

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

1 Samuel 15:28

Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

1 Reyes 18:18

Kisumeek: “Moko laa'in ta li yookin chi sachok re Israel, laa'at b'an ut eb' li ralal xk'ajol laayuwa', xb'aan naq xatz'eqtaana li xchaq'rab' li Qaawa' ut xkohat chirixeb' laj Bahal.

Proverbios 19:3

Li maak'a' xna'leb' nasachk sa' li xb'e, ut chirix a'an naxk'e xmaak li Qaawa'.

Li xHu LAJ JOB 34:18

Ka'ajwi' li Yos wank xwankil chi xyeeb'al reheb' li awab'ej ut eb' laj jolominel: “Laa'ex ink'a' us eena'leb'”.

2 Crónicas 19:2

kolk'ule'q xb'aan laj Jehú, ralal laj Jananí, laj ilol moy u: “K'a'ut naq nakatenq'aheb' li ink'a' useb' xna'leb' ut nakaraheb' li neke'tz'eqtaanank re li Qaawa'? -chan laj Jehú re laj Josafat-. Xb'aan a'an li Qaawa' xchalk xjosq'il sa' aab'een.

1 Samuel 1:22

Ab'an lix Ana ink'a' koho, xb'aan naq kixye re li xb'eelom: “Naq akaq xmaq'mank chi tu' li k'uula'al, toja' naq tinxik chi xq'axtesinkil chiru li Qaawa'. Ut aran taakanaaq chi junajwa”.

1 Samuel 13:12

Jo'kan naq xinye sa' inch'ool: Anaqwan kub'eekeb' chaq re laj Filistea re yalok wik'in arin Kilkal ut maji' nintz'aama rusilal li Qaawa' sa' inb'een. Jo'kan naq tento xinyeechi'i li k'atb'il mayej”, chan.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

2 Samuel 24:10

Naq ak ke'ajlaak chixjunileb' li tenamit, kiyot'e'k xch'ool laj David ut kixye re li Qaawa': “Nimla maak xinb'aanu laa'in aj k'anjel chawu. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”, chan.

1 Crónicas 10:13

Jo'ka'in naq kikamk laj Saúl, xb'aan naq kimaakob'k naq kixq'etq'eti rib' chiru li Qaawa': ink'a' kixpaab' li raatin li Qaawa' ut kipatz'ok rik'in jun li ixq aj q'e.

Isaías 39:5

Ut laj Isaías kixye re laj Esekías: “Ab'i li k'aru naxye li Nimajwal Yos:

Jeremías 18:10

Ab'anan wi li tenamit a'an naxb'aanu li ink'a' nawulak chiwu ut ink'a' naxpaab' li waatin, laa'in taach'inanq inch'ool chi xb'aanunkil li usilal xink'oxla xb'aanunkil re.

Génesis 31:28

A'ut laa'at chi moko xinaakanab' chi xtz'ub'aleb' ru li walal ut eb' linrab'in. Naraj naxye, xmaak'a'il aana'leb' xab'aanu wi' a'in.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.