1 Samuel 12:3 - Q'eqchi Bible

³ ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

Li Santil hu

³ Xakxo̱quin che̱ru anakcuan. Yehomak cue lix ya̱lal chiru li Ka̱cuaꞌ Dios ut chiru ajcuiꞌ li rey li quixsicꞌ ru chi cꞌamoc be che̱ru. ¿Ma cuan junak xinmakꞌ xbo̱yx? ¿Ma cuan junak xinmakꞌ xbu̱r? ¿Ma cuan junak xincuelkꞌa cꞌaꞌru re? ¿Ma cuan junak xinrahobtesi? ¿Ma xinqꞌue cuib chi tumina̱c re nak incꞌaꞌ tinye li ya̱l? Cui cuan li incꞌaꞌ us xinba̱nu, yehomak cue anakcuan re nak naru tinyi̱b ru li incꞌaꞌ us xinba̱nu, chan.

1 Samuel 12:3 ပူးပေါင်းရင်းမြစ်များ

Hechos 20:33

Laa'in ink'a' xinrahi xplaat, chi moko x'oor malaj xb'aatal anihaq.

Números 16:15

Toja' naq k'ajo' naq kijosq'o'k laj Moisés ut kixye re li Qaawa': “At Qaawa', maak'e sa' aach'ool li xmayejeb'. Laa'in maak'a' xinmaq' chiruheb', chi moko junaq b'uur, chi moko xinb'aanu rahilal reheb'”.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

1 Samuel 24:6

“Li Qaawa' taxaq chikoloq we chi xb'aanunkil rahilal re li awab'ej, a' li sik'b'il ru xb'aan li Qaawa'. Maajoq'e tintaqsi wuq' sa' xb'een, xb'aan naq a'an yulb'il xb'aan li Qaawa'”, chan reheb' laj puub'.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

1 Ts 2:10

Laa'ex nekenaw chi tz'aqal, ut naxnaw ajwi' li Yos, chanru xsaqal ru li qayu'am, chanru li xtiikilal qach'ool chi maak'a' qaq'usb'al, naq xoowank sa' eeyanq laa'ex li nekexpaab'ank.

1 Samuel 12:5

“Ch'olch'o chiru li Qaawa' ut chiru li awab'ej sik'b'il ru xb'aan, naq maajun linmaak xetaw laa'ex sa' li kutan a'in”, chan laj Samuel. Ut eb' a'an ke'xye: “Ch'olch'o ru”.

1 Samuel 10:1

Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Éxodo 23:8

“Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

1 Ts 2:5

Nekenaw chi us naq maajun wa xoo'aatinak yal re eeq'unb'esinkil chi moko yal sa' xk'ab'a' rahok ru ab'i e. Li Yos naxnaw a'an.

Éxodo 20:17

“Maarahi ru li rochoch laawas aawiitz'in. Maarahi ru li rixaqil, li winq ut li ixq li neke'k'anjelak chiru, chi moko li xb'ooyx, li xb'uur; tik maak'a' ab'i e taarahi”.

San Lucas 19:8

Toja' naq laj Zakeo kixaqliik ut kixye re li Qaawa': —Chakuy inmaak, at Qaawa'. Tink'e li xyiijachil linjunkab'lal reheb' li neb'a', ut wi wank junaq xwelq'a k'aru re, kaahib' wa chik xk'ihal a'an naq tinq'ajsi re.

San Mateo 22:21

Ke'chaq'ok: —Re li awab'ej, chankeb'. Toja' naq li Jesus kixye reheb': —Q'ajsihomaq b'i' re li awab'ej li k'aru re li awab'ej, ut re li Yos li k'aru re li Yos.

Levítico 6:4

li poyanam a'an wanq xmaak. Jo'kan naq tento tixq'ajsi li k'aru relq'ahom malaj li xmaq'ahom sa' josq'il, malaj ut li k'aru k'eeb'il chixk'uula, malaj ut li k'a'aq re ru kixtaw,

Éxodo 22:4

“Wi te'xtaw sa' ruq' li relq'ahom chi yo'yo, us ta b'ooyx, b'uur malaj karneer, laj elq' tento tixk'e reeqaj ka' sut xk'ihal a'an.

2 Corintios 12:14

K'ehomaq reetal, ak rox wa naq ninkawresi wib' chi xik eerik'in, ut ink'a' texinch'i'ch'i'i xb'aan naq ink'a' ninsik' li k'aru eere, laa'ex b'an li nekexwaj. Relik chi yaal naq maawa'eb' li alal k'ajolb'ej teneb'anb'il sa' xb'eeneb' tamresink tumin cho'q reheb' li xna' xyuwa', a'eb' b'an li na'b'ej yuwa'b'ej tento te'tamresinq tumin cho'q reheb' li ralal xk'ajol.

1 Samuel 2:35

Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

1 Samuel 12:4

Ke'xsume: “Maajun sut xoohaatawasi chi moko xoohaarahob'tesi, ut ink'a' xak'e aawib' chi tuminaak”, chankeb'.

Proverbios 15:27

Li narataw b'ihomo'k naxsach li xjunkab'lal; ab'an li ink'a' naraj tuminaak ru najtaq roq li xyu'am.

Levítico 6:5

malaj li k'a'aq chik re ru li xtik'ti'ik wi'. Tento naq tixq'ajsi chixjunil re laj eechal re, ut tixk'e chik junqmay sa' xb'een li o'taqk'aal, naq jo'q'e tixq'axtesi li xmayej chirix li xmaak.

1 Samuel 24:7

Jo'ka'in naq laj David kixq'useb' chi kaw li wankeb' rochb'een naq me'xik sa' xb'een laj Saúl. A'in ki'elk sa' li ochoch pek ut kixchap wi' chik xb'e.

1 Samuel 24:11

K'e reetal, at inyuwa'; il li xmaril laawaq' sa' wuq'. Xinset li xmaril laawaq' ut ink'a' xatinkamsi! Jo'kan naq taak'e reetal naq maak'a' lab'al sa' li waanm ut maak'a' maa'usilal wik'in. Laa'in ink'a' xinmaakob'k chawu, a'ut laa'at yookat xsik'b'al inkamsinkil.

1 Samuel 26:9

Ab'an laj David kixye re laj Abisay: “Maakamsi. Maajun li tixtaqsi li ruq' sa' xb'een li awab'ej sik'b'il ru xb'aan li Qaawa' taakanaaq chi ink'a' ta tixtoj rix li xmaak”.

1 Samuel 26:11

Li Qaawa' taxaq chikoloq we chi xtaqsinkil wuq' sa' xb'een li awab'ej yulb'il xb'aan. Anaqwan xok li jutz' che' li wank chi xjolom jo'wi' li xxarul li xha', ut yo'o”.

2 Samuel 22:22

xb'aan naq junelik xinwank sa' xb'e li Qaawa' ut maajun wa xinkanab' linYos.

Nehemías 5:11

Nintz'aama cheru naq chi junpaat cheq'ajsi li xch'och'eb', li rawimqeb', li xna'ajeb' li oliiw ut li rochocheb', ut sachomaq reetalil li tumin, li triiw, li b'iin ut li aseeyt li xe'xto'oni eerik'in”.

Salmos 15:5

a' li nak'ehok tumin chi to' ut ink'a' naxpatz' ral, li ink'a' naraj tuminaak re xrahob'tesinkil li maak'a' xmaak. Li nab'aanunk re chixjunil a'in, maajaruj taach'inanq xch'ool chirix li Yos.