1 Samuel 12:23 - Q'eqchi Bible

²³ Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

Li Santil hu

²³ La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

1 Samuel 12:23 ပူးပေါင်းရင်းမြစ်များ

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

Romanos 1:9

Naxnaw li Yos, li ninloq'oni chi anchal li waanm rik'in xpuktesinkil li xChaab'il Esil li Ralal, naq ink'a' ninkanab' eepatz'b'al sa' lintij.

2 Timoteo 1:3

Junelik ninb'anyoxi chiru li Yos li nink'anjelak chiru chi saq ru li waanm, kama' ke'xb'aanu chaq eb' linna' linyuwa', rajlal naq nakatjultiko'k we sa'eb' lintij chi q'eq ut chi kutan.

1 Ts 3:10

Chi q'eq chi kutanko chi tz'aamank chi elajink chi kaw re rilb'al eeru jo'wi' re xtz'aqob'resinkil jo'nimal chik naraj leepaab'aal.

1 Reyes 8:36

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

Hechos 12:5

Ut naq laj Pedro wank sa' tz'alam, li Iklees ink'a' naxkanab' tijok chirix chiru li Yos.

Salmos 34:11

Eb' li b'ihom neke'kanaak sa' neb'a'il ut sa' we'ej, ab'an eb' li neke'xsik' li Qaawa' maak'a' taamajelo'q reheb'.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

2 Crónicas 6:27

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Hechos 20:20

Laa'ex nekenaw naq ink'a' xwisi wib' naq xwank k'aru us cho'q eere: ink'a' xinkanab' eetzolb'al ut xjultikankil cheru li Aatin chiruheb' li tenamit jo' ajwi' chire kab'lal;

Eclesiastés 12:10

Junelik kixyal xq'e chi xch'olob'ankil chixjunil chi chaab'il jo'wi' xtz'iib'ankil chi tz'aqal re ru.

Proverbios 4:11

Yookin chi xk'utb'al chawu li chaab'il b'e, ut nakatintzol rik'in li chaab'il na'leb'.

1 Corintios 9:16

Wi laa'in ninpuktesi li Chaab'il Esilal, moko naru ta tinnimob'resi wib' rik'in a'an, a'an b'an jun k'anjel teneb'anb'il sa' inb'een. Ut ra chaalel sa' inb'een wi ink'a' ninpuktesi li Chaab'il Esilal!

Éxodo 32:30

Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 27:18

Wi raj yaal naq propeeteb' ut wank li raatin li Qaawa' rik'ineb', tijoqeb' anaqwan chiru li Nimajwal Yos, re naq li k'a'aq re ru re li rochoch li Qaawa' li toj xkanaak ut li toj wank sa' rochoch li awab'ej re Judá ut Jerusalén ink'a' taak'ame'q aran Babilonia».

Jeremías 42:4

Kichaq'ok laj Jeremías ut kixye reheb': “Us, maak'a' reek'. Anaqwan ajwi' tintijoq cherix chiru li Qaawa' leeYos, jo' chanru xetz'aama chiwu, ut tink'e chenaw chixjunil li k'aru tinxsume wi', chi maajun aatin tinmuq cheru”.

1 Samuel 8:6

Ab'an ink'a' kiwulak chiru laj Samuel naq ke'xtz'aama x'awab'ejeb'. Jo'kan naq kitijok chiru li Qaawa',

Salmos 34:12

Ex walal ink'ajol, kimqex ut chineerab'ihaq: twaj xk'utb'al cheru roxloq'inkil li Qaawa'.

Salmos 122:6

Chetz'aama tuqtuukilal cho'q re Jerusalén: “Chiwanq taxaq tuqtuukilal aawik'in, at Jerusalén! Che'wanq taxaq sa' sahilal eb' li neke'rahok aawe.

Isaías 30:21

ut rik'in leexik teerab'i naq yooq chi aatinak chaq cherix: “A'an a'in li b'e; ayuqex aran, a' yaal ma sa' leenim malaj sa' leetz'e uq'”, cha'aq.