1 Samuel 12:22 - Q'eqchi Bible

²² Sa' xk'ab'a' li xnimal xloq'al, li Qaawa' ink'a' texxtz'eqtaana, xb'aan naq A'an xk'ul ru eek'eeb'al cho'q xtz'aqal tenamit.

Li Santil hu

²² Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

1 Samuel 12:22 ပူးပေါင်းရင်းမြစ်များ

Filipenses 1:6

K'ojk'o inch'ool naq li Yos li xyoob'ank re li chaab'il k'anjel a'in eerik'in yooq ajwi' chi xtz'aqob'resinkil ru, toj reetal sa' xkutankil li Kristo Jesus.

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

1 Reyes 6:13

Tinwanq sa' xyanqeb' li ralal xk'ajol laj Israel ut ink'a' tinkanab'eb' lintenamit Israel”.

Romanos 11:29

Xb'aan naq li Yos ink'a' nach'inank xch'ool chirix li xsimaatan ut li xloq'laj b'oqom.

Jeremías 14:21

Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Josué 7:9

Naq eb' laj Kanahán jo'wi' chixjunileb' li wankeb' sa' li na'ajej a'in te'xnaw a'an, te'xjunaji chaq rib' sa' qab'een ut te'xsach chi junajwa li qak'ab'a' sa' ruuchich'och'. Wi jo'kan taaqak'ul, k'aru taab'aanu laa'at re xkolb'al rix laaloq'al?”, chan laj Josué.

Efesios 1:12

re naq chinimaaq xloq'al qab'aan laa'o li ak junxil xaqxo chaq li qoyb'enihom rik'in li Kriist.

Ezequiel 20:14

Ab'anan, sa' xk'ab'a' linloq'al, ink'a' kinb'aanu, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Salmos 94:14

Xb'aan naq li Qaawa' ink'a' tixtz'eqtaana li xtenamit, chi moko tixkanab' xjunes li reechanihom.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

San Mateo 11:26

Yaal, at inYuwa', xb'aan naq jo'kan xwulak chawu.

1 Corintios 4:7

xb'aan naq ani xsik'ok aawu chiruheb' chixjunil? K'aru wank aawe chi ink'a' ta aak'ulum? Ut wi yal aak'ulum, k'a' put naq nakanimob'resi aawib' chanchan naq moko aak'ulum ta?

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Éxodo 32:12

Ma taawaj tab'i' te'xye eb' laj Ejiipt: «Xlab'al xch'ool kirisiheb' wi', re xkamsinkileb' sa'eb' li tzuul ut re xsachb'aleb' chi junajwa sa' xb'een li ruuchich'och'»? Kanab' laajosq'il ut maataqla chaq li rahilal sa' xb'eeneb' laatenamit.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob

Lamentaciones 5:20

K'a' tab'i' naq toosachq sa' laach'ool chi junajwa? K'a' put naq toohaatz'eqtaana chiru chixjunil li qayu'am?

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Isaías 48:11

Sa' xk'ab'a' linloq'al ut linrahom xinb'aanu: maajoq'e tinkanab' chi muxe'k link'ab'a', chi moko tinq'axtesi linloq'al re jalan chik.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Isaías 41:17

Eb' li neb'a' ut li kub'enaqeb' xwankil neke'xsik' li ha', ab'an maak'a' neke'xtaw; xe'chaqik li ru'uj raq'eb' xb'aan li chaqi'eel. Ab'an laa'in li Qaawa' tintenq'aheb', laa'in li xYos laj Israel ink'a' tinkanab' xjuneseb'.

Isaías 37:35

Laa'in tinkoloq re li tenamit a'in, re naq ink'a' taasache'q, sa' xk'ab'a' linloq'al ut xb'aan xraab'al laj David laj k'anjel chiwu»”.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

2 Reyes 21:14

Tintz'eqtaana xkomoneb' lintenamit ut tinq'axtesiheb' sa' ruq'eb' li xik' neke'ilok reheb'. Te'chape'q ut te'eechaniiq xb'aaneb' chixjunil li xik' neke'ilok reheb',

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Romanos 11:1

Ut ninpatz' wib': Ma xtz'eqtaana li xtenamit li Yos? Maajoq'e b'i'an! Laa'in ajwi' aj Israel, riyajilin laj Abrahán, sa' xteepal laj Benjamín!

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

1 Reyes 8:57

“Chiwanq taxaq qik'in li Qaawa' li qaYos, jo' naq kiwank chaq rik'ineb' li qana' qayuwa'. Ink'a' taxaq tooxkanab' chi moko tooxtz'eqtaana,

Deuteronomio 31:8

Li Qaawa' aj k'amolb'ehaq chawu; a'anaq aawochb'een. Moko tatxkanab' ta aajunes. Matxiwak b'i' ut mich'inank aach'ool”, chan laj Moisés.

2 Reyes 14:27

Jo'kan naq li Qaawa' toj maji' kiraj xsachb'al li xk'ab'a' laj Israel sa' xb'een xteepal li ruuchich'och', ut kixkoleb' sa' ruq' laj Jerobohán, ralal laj Johás.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Isaías 49:15

Ab'anan, ma wank tab'i' junaq na'b'ej nasachk sa' xch'ool li xk'uula'al malaj naxkanab' xraab'al li tz'aqal ralal? Us ta jo'kan naxb'aanu junaq na'b'ej, a'ut laa'in ink'a' tatinsach sa' inch'ool.

Isaías 63:8

Li Qaawa' kixye: “Relik chi yaal naq a'aneb' lintenamit, a'aneb' li walal li maajoq'e tine'xb'alaq'i”. Ut A'an kikolok reheb'

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!