1 Samuel 12:21 - Q'eqchi Bible

²¹ Mexxik chirixeb' li maawa'eb' yos. Eb' a'an ink'a' neke'kolok ut maak'a' neke'ok wi', xb'aan naq yal k'oxlanb'ileb' yos.

Li Santil hu

²¹ Me̱lokꞌoni chic li jalanil dios. Eb aꞌan incꞌaꞌ naru nequextenkꞌa chi moco naru nequexcol xban nak eb aꞌan ma̱cꞌaꞌ nequeꞌoc cuiꞌ.

1 Samuel 12:21 ပူးပေါင်းရင်းမြစ်များ

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Deuteronomio 11:16

“Ab'anan chek'e reetal, meek'e eerib' chi b'alaq'iik ut meetz'eqtaana li Qaawa'. Mare anchal teeloq'oni eb' li jalanil yos ut teehupub' eerib' chiruheb'.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Isaías 46:7

Neke'xk'am chi paqpo sa' xb'eeneb' xtel, neke'xxaqab' sa' xna'aj ut aran nakanaak chi junwaakaj; ink'a' na'elk sa' xna'aj. Us ta te'xjap reheb' chi xpatz'b'al xtenq'ankileb' chiru, ink'a' te'sumeeq chi moko te'kole'q chiru li rahilal.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

Isaías 41:29

Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Deuteronomio 30:17

Ab'anan wi taajal aak'a'uxl ut ink'a' tat-ab'inq, wi taapaab' xwiq'ib'ankil aawib' chiruheb' jalanil yos ut taaloq'oniheb' ru,

2 Reyes 17:15

Ke'xtz'eqtaana li xchaq'rab' ut li xsumwank li Qaawa' li kixk'ojob' rik'ineb' li xxe'toonil yuwa'eb'. Ke'xq'et li teneb'anb'il sa' xb'eeneb' ut koheb' chirixeb' li yos li maak'a' neke'ok wi'. Jo'kan naq ke'kanaak chi maak'a' neke'ok wi' ut ke'xk'anasi eb' li tenamit wankeb' chi xsutameb', us ta yeeb'il reheb' xb'aan li Qaawa' naq ink'a' te'xb'aanu jo' eb' a'an.

Jonás 2:9

A'ut laa'in tinyoxinq ut tinmayejaq chawu; tinb'aanu li k'aru inyeechi'om aawe. At Qaawa', ka'ajwi' aawik'in nachalk li kolb'a ib'”.