1 Samuel 12:20 - Q'eqchi Bible

²⁰ Ab'an laj Samuel kixye reheb': “Mexxiwak. Yaal naq xeb'aanu li nimla maak a'in, ab'anan meetz'eqtaana chik li Qaawa' ut chexk'anjelaq chiru chi anchal eech'ool.

Li Santil hu

²⁰ Laj Samuel quixye reheb: —Mexxucuac. Ya̱l nak xexma̱cob. Abanan me̱tzꞌekta̱na chic li Ka̱cuaꞌ. Chexcꞌanjelak ban chiru chi anchal le̱ chꞌo̱l, chan.

1 Samuel 12:20 ပူးပေါင်းရင်းမြစ်များ

Deuteronomio 11:16

“Ab'anan chek'e reetal, meek'e eerib' chi b'alaq'iik ut meetz'eqtaana li Qaawa'. Mare anchal teeloq'oni eb' li jalanil yos ut teehupub' eerib' chiruheb'.

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Salmos 125:5

A'ut eb' li neke'xk'am li b'e ink'a' us chatz'eqtaanaheb' rochb'eeneb' li neke'b'aanunk li maa'usilal. Chiwanq taxaq tuqtuukilal rik'ineb' laj Israel!

Salmos 101:3

ut ink'a' tink'e sa' xnaq' wu li ink'a' us. Xik' nawil eb' li neke'xq'et xchaq'rab' li Yos ut maajoq'e tinjunaji wib' rik'ineb'.

Salmos 40:4

Xk'e chinb'icha jun li ak' b'ich re xnimankil ut xb'ichankil ru li qaYos. Naab'aleb' xe'ilok re ut xe'xkub'si xwankil, xe'xk'ojob' xch'ooleb' rik'in li Qaawa'.

Josué 23:6

“Q'axal cheyal eeq'e chi xpaab'ankil ut xk'anjelankil ru chixjunil li tz'iib'anb'il sa' xhuhil li xChaq'rab' laj Moisés. Chepaab'aq chi tz'aqal re ru.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

Éxodo 23:25

Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Éxodo 32:30

Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Hageo 2:5

Jo' naq kinye eere sa' jurament naq kexwisi chaq Ejiipt, linmusiq' na'ochb'eenink eere: mexxiwak!