1 Samuel 12:12 - Q'eqchi Bible

¹² A'ut naq kek'e reetal naq laj Najás, awab'ej re Amón, kichalk sa' eeb'een, keye we: «Ink'a', tqaj junaq awab'ej li taataqlanq sa' qab'een», chankex. Ut keye chi jo'kan, us ta li Qaawa' a'an leeYos.

Li Santil hu

¹² Nak queqꞌue retal nak laj Nahas lix reyeb laj Amón oc re chi pletic e̱riqꞌuin, la̱ex xetzꞌekta̱na li Ka̱cuaꞌ Dios ut aꞌan raj li tzꞌakal le̱ rey. Ut xeye, “Takaj junak karey re ta̱takla̱nk saꞌ kabe̱n,” chanquex.

1 Samuel 12:12 ပူးပေါင်းရင်းမြစ်များ

Jueces 8:23

A'ut laj Jedehón kixsumeheb': “Moko laa'in ta tintaqlanq sa' eeb'een chi moko li walal. A' b'an li Qaawa' taataqlanq sa' eeb'een”, chan.

1 Samuel 10:19

A'ut anaqwan laa'ex xetz'eqtaana leeYos, li kikolok eere chiru chixjunil leerahilal ut ch'a'ajkilal, ut xeye re: «K'e qe junaq awab'ej», chankex. Jo'kan b'i', k'utomaq eerib' chiru li Qaawa', chi teepal ut chi junqkab'alil”.

Oseas 13:10

B'ar wank laa'awab'ej anaqwan re naq tatxkol sa' chixjunileb' laatenamit? B'ar wankeb' laj k'amol aab'e li kaye wi': «K'e in'awab'ej ut aj k'amoleb' inb'e»?

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Salmos 74:12

Chalen chaq sa' xtiklajik laa'at laj Eechal qe, at Qaawa', ut k'iila sut xoohaak'e chi q'axok u.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Jueces 9:18

A'ut laa'ex sa' li kutan a'in xeq'etq'eti eerib' chiru li xjunkab'al linyuwa', xekamsiheb' li lajeeb' xkaak'aal chi ralal sa' xb'een jun chi pek ut xexaqab' laj Abimélek cho'q awab'ej sa' xb'eeneb' li xjolomileb' laj Sikem, a' li xyum li xmun ixq, xb'aan naq nekeye naq a'an eekomon.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.