1 Samuel 12:11 - Q'eqchi Bible

¹¹ “Ut li Qaawa' kixtaqla laj Yerubahal, laj Bedán, laj Jefté ut laj Samuel re eekolb'al chiruheb' li xik' neke'ilok eere, ut chi jo'kan kexwank sa' tuqtuukilal.

Li Santil hu

¹¹ Ut li Ka̱cuaꞌ quixtaklaheb laj Jerobaal, laj Barac, laj Jefté, ut laj Samuel che̱tenkꞌanquil re texcolekꞌ chiruheb li xicꞌ nequeꞌiloc e̱re ut quexcuan chi ma̱cꞌaꞌ chic e̱cꞌaꞌux.

1 Samuel 12:11 ပူးပေါင်းရင်းမြစ်များ

Jueces 6:32

Chalen sa' li kutan a'an, Yerubahal chik kiyehe'k re laj Jedehón, ut neke'xye: “Chixkolaq rib' laj Bahal, xb'aan naq xjuk'e'k li x'artal!”.

Jueces 4:6

Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Jueces 6:14

Toja' naq li Qaawa' kixsutq'isi rib' ut kixye re: “Ayu ut rik'in laametz'ew taakoleb' laj Israel sa' ruq'eb' laj Madián. Ma maawa' tab'i' laa'in li nintaqlank aawe?”, chan.

1 Samuel 7:13

Jo'ka'in naq eb' Filistea ke'sache'k xwankil ut ink'a' chik ke'ok sa' xch'och'eb' laj Israel. Ut jo' najtil kiyo'yook laj Samuel, li Qaawa' kixk'ut li xwankil sa' xb'eeneb' laj Filistea.

Jueces 8:35

Ut ink'a' ke'xyoxi chiruheb' laj Yerubahal-Jedehón chixjunil li usilal li ke'xb'aanu reheb' laj Israel.

Jueces 8:29

Laj Jedehón, ralal laj Johás, li Yerubahal ajwi' nayeemank re, kisutq'iik sa' rochoch ut aran kikanaak.

Jueces 6:31

Ab'anan laj Johás kixsume chixjunileb' li wankeb' chiru: “Ma laa'ex tab'i' texyaloq chirix laj Bahal? Ma laa'ex texkoloq re? Li ani tixyal xkolb'al rix laj Bahal, kamenaq chik naq taasaqewq wulaj. Wi yaal naq laj Bahal a'an Yos, chixkolaq rib', xb'aan naq xjuk'e'k li x'artal”, chan reheb'.

Jueces 7:1

Kiwakliik toj eq'la laj Jedehón (li Yerubahal ajwi' nayeemank re) jo'wi' chixjunileb' li tenamit li rochb'eeneb', ut koxe'hilanq chi xk'atq En-Jarod. Li xmuheb'aaleb' laj Madián wankeb' chaq sa' xjayal releb'l iq', chi xtoon li tzuul Moré, sa' li taq'a ru.

1 Samuel 3:20

Ut chixjunileb' laj Israel, chalen chaq Dan toj Berseba, ke'xk'e reetal naq laj Samuel tz'aqal xpropeet li Yos.

2 Reyes 13:5

Toja' naq li Qaawa' kixxaqab' jun aj kolol reheb' sa' ruq'eb' laj Aram, ut eb' laj Israel ke'wank wi' chik sa' rochocheb' jo' chaq junxil.

1 Crónicas 7:17

Li ralal laj Ulán, a'an laj Bedán. A'aneb' a'in li ralal xk'ajol laj Galahad, ralal laj Makir, ralal laj Manasés.