1 Samuel 11:13 - Q'eqchi Bible

¹³ Ab'an laj Saúl kixye: “Maajun chikamq anaqwan, xb'aan naq li Qaawa' xooxkol laa'o aj Israel sa' li kutan a'in”.

Li Santil hu

¹³ Ut laj Saúl quixye reheb: —Ma̱ jun reheb laj Israel ta̱camsi̱k anakcuan xban nak saꞌ li cutan aꞌin li Ka̱cuaꞌ coxcol la̱o aj Israel, chan.

1 Samuel 11:13 ပူးပေါင်းရင်းမြစ်များ

2 Samuel 19:22

Ab'an laj David kixye: “Li k'aru nink'oxla laa'in, maawa' li nekek'oxla laa'ex, ex xyum lix Sarbia. K'a'ut naq sa' li kutan a'in nekeq'etq'eti eerib' chiru link'a'uxl? Maajun reheb' laj Israel tento taakamsiiq sa' li kutan a'in naq nink'e reetal naq eb' laj Israel xine'xxaqab' wi' chik cho'q x'awab'ejeb'”.

1 Samuel 19:5

Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Éxodo 14:30

Sa' li kutan a'an li Qaawa' kixkoleb' laj Israel sa' ruq'eb' laj Ejiipt, ut eb' laj Israel ke'rileb' laj Ejiipt chi kamenaqeb' chik chire li palaw.

Isaías 59:16

Xk'e reetal naq maajun natenq'ank reheb' li rahob'tesinb'ileb', ut xsachk xch'ool chi rilb'al naq maajun na'okenk chirixeb'. Toja' naq li Yos xq'axok u rik'in li xwankilal ut a' ajwi' li xtiikilal xkuutunk re.

1 Samuel 14:45

Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

2 Samuel 23:10

ab'an kaw xaqxo laj Elehasar chi yalok: kixkamsiheb' laj Filistea toj reetal kilub'k li xtel ut kiletzq'uuk li ruq' rik'in li xch'iich'. Sa' li kutan a'an li Qaawa' kixk'eheb' laj Israel chi xq'axb'al ruheb' laj Filistea, ut eb' laj puub' ke'sutq'iik chirixeb' yal re xxokb'al li k'a' re ru xe'reechani sa' li yalok.

2 Samuel 19:23

Chirix chik a'an kixye re laj Semehí sa' jurament: “Ink'a' tatkamq”, chan.