1 Samuel 11:11 - Q'eqchi Bible

¹¹ Wulajaq chik a'an, laj Saúl kixk'eheb' laj puub' sa' oxib' tzol, ut eb' a'an koxe'xkut rib' sa' xb'eeneb' laj Amón toj hik'ho ut ke'xsach ruheb' toj kiwa'leb'o'k. Ut eb' li ink'a' ke'kamsiik, ke'elelik ut ke'xcha'cha'i rib'eb'.

Li Santil hu

¹¹ Cuulajak chic nak toj ekꞌela, laj Saúl quixjachi lix soldado saꞌ oxib jachal. Nak quisake̱u, queꞌco̱eb saꞌ junpa̱t saꞌ li naꞌajej li cuanqueb cuiꞌ lix muheba̱leb laj Amón ut queꞌoc chi pletic riqꞌuineb. Nak quicuaꞌleboꞌ ac xeꞌxcamsiheb laj Amón ut li incꞌaꞌ queꞌcamsi̱c queꞌxjeqꞌui ribeb ut queꞌe̱lelic chi xjunju̱nkaleb. Ma̱ jun reheb quicana chi cuan rochben.

1 Samuel 11:11 ပူးပေါင်းရင်းမြစ်များ

Jueces 7:16

Tikto kixjek'eb' li o'lajuk'aal chi winq sa' oxib' ch'uut. Kixk'eheb' junjunq xxukub' sa' ruq'eb' chixjunileb' ut kixk'e ajwi' junjunq xkukeb' wank xam chisa'.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Salmos 46:1

Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.

1 Samuel 11:2

Kichaq'ok laj Najás aj Amón ut kixye reheb': “Tinb'aanu jun sumwank eerik'in, ab'an tento xb'enwa twisi xsa' leeru li wank sa' leenim chejunjunqal. Chi jo'kan te'kanaaq sa' xutaanal chixjunileb' laj Israel”.

Jueces 9:43

kixjachi eb' laj puub' sa' oxib' ch'uut ut koxmuq rib' sa' li k'aleb'aal, ut naq kirileb' li poyanam chi elk sa' li tenamit, kichalk sa' xb'eeneb' ut kixq'ax ruheb'.

Jueces 4:16

Ut laj Barak kiraanilasiheb' li b'eleb'aal ch'iich' ut eb' laj puub' toj Jaróset-Hakohín. Chixjunileb' laj puub' re laj Sísara ke'kamsiik chi ch'iich' ut maajun kikanaak chi yo'yo.

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Éxodo 14:24

Ab'an naq hik'e'k re, li Qaawa' ki'ilok toj sa' li xam ut sa' li choql, ut kixsach xwankileb' laj Ejiipt.

Génesis 22:14

Ut laj Abrahán kixk'e cho'q xk'ab'a' li na'ajej a'an: “Li Yos nanawok re”. Jo'kan nayeemank chalen toj anaqwan: “Sa' li tzuul, li Yos nanawok re”.

Jueces 7:20

Jo'kan ajwi' ke'xb'aanu li ox ch'uut chi aj puub': ke'xyaab'asiheb' li xukub' ut ke'xjoreb' li kuk. Sa' xtz'e uq'eb' wank li xxameb' ut sa' xnimeb' wank li xxukub'eb', ut ke'xjap re chi xyeeb'al: “Sa' xk'ab'a' li Qaawa' ut sa' xk'ab'a' laj Jedehón!”, chankeb'.

2 Samuel 18:2

Chirix chik a'an kixjek'eb' laj puub' sa' oxib' ch'uut: li xb'een ch'uut kixk'eheb' chi jolomiik xb'aan laj Johab, li xkab' ch'uut xb'aan laj Abisay, xyum lix Sarbia, riitz'in laj Johab, ut li jun chik ch'uut xb'aan laj Itay aj Gat. Ut kixye reheb' chixjunileb' laj puub': “Tinxik ajwi' laa'in cherix”.

1 Samuel 14:47

Naq laj Saúl kixaqab'aak cho'q awab'ej re Israel, kiyalok yalaq b'ar rik'ineb' li xik' neke'ilok re: rik'ineb' laj Mohab, laj Amón ut eb' laj Edom, rik'in li awab'ej re Sobá ut rik'ineb' laj Filistea. Yalaq b'ar naxik, naq'axok chaq u.