1 Samuel 10:5 - Q'eqchi Bible

⁵ Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

Li Santil hu

⁵ Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

1 Samuel 10:5 ပူးပေါင်းရင်းမြစ်များ

2 Reyes 3:15

K'amomaq chaq junaq aj wajb' anaqwan”. Naq laj wajb' kixtikib' wajb'ak, kichalk li xmusiq' li Qaawa' sa' xb'een laj Eliseo

1 Samuel 19:20

Tikto kixtaqlaheb' winq re xchapb'al laj David. Ab'an naq ke'wulak aran, ke'ril jun ch'uuteb' chi propeet chi aatinak jo' propeet, ut laj Samuel yo chi k'amok b'e chiruheb'. Toja' naq li xmusiq' li Yos kichalk sa' xb'eeneb' li xtaql laj Saúl ut eb' a'an ajwi' ke'ok chi aatinak jo' propeet.

1 Samuel 13:3

Laj Jonatán kixkamsi jun ch'uuteb' aj Filistea li wankeb' aran Kibehá, ut eb' laj Filistea ke'rab'i resil. Toja' naq laj Saúl kixye naq chiyaab'asiiq li tronpeet sa' chixjunil li na'ajej, ut kixye: “Ab'ihomaq, ex aj Hebreo!

2 Reyes 2:15

Naq eb' li propeet ke'ril laj Eliseo chi sutq'iik wankeb' wi' junpak'al, ke'xye: “Li xmusiq' laj Elías xkanaak rik'in laj Eliseo”, chankeb'. Ut koheb' chi xk'ulb'al, koxe'xwiq'ib' chiru ut ke'xye re:

2 Reyes 2:5

Ab'anan eb' li propeet li wankeb' aran Jerikó ke'elk chaq chi xk'ulb'al laj Eliseo ut ke'xye re: “Ma nakanaw naq hoon li Qaawa' tixmaq' chawu laj tzolol aawe?”. Kichaq'ok laj Eliseo: “Hehe', ninnaw. Ab'anan maak'a' teeye!”, chan.

2 Reyes 2:3

Eb' li propeet li wankeb' aran Betel ke'elk chaq chi xk'ulb'al laj Eliseo ut ke'xye re: “Ma nakanaw naq hoon li Qaawa' tixmaq' chawu laj tzolol aawe?”. Kichaq'ok laj Eliseo: “Hehe', ninnaw. Ab'anan maak'a' teeye!”, chan.

1 Samuel 10:10

Moqon chik naq ke'wulak aran Kibehá, jun ch'uuteb' chi propeet yookeb' chaq chi chalk. Toja' naq laj Saúl ki'eechaniik xb'aan li xmusiq' li Yos ut ki'ok chi aatinak jo' propeet sa' xyanqeb' a'an.

1 Corintios 14:1

Cheyal eeq'e chi wank sa' li rahok ib', ab'an cheq'axtesi ajwi' leech'ool chi xsik'b'al leemaatan naxk'e li Musiq'ej, ut xb'enwa li aatinak jo' propeet.

Salmos 49:4

Ok we xyeeb'al choxahil na'leb', tinch'olob' xyaalal li naweek'a sa' li waanm;

1 Crónicas 16:42

Eb' a'in neke'xyaab'asi li tronpeet, neke'toch'ok li tzojtzoj ut wank chik xkomon re xb'ichankil ru li Yos. Eb' li ralal laj Jedutún a'aneb' aj ilol re li okeb'aal.

1 Crónicas 16:5

A' laj Asaf li xjolomil; li xkab'il a'an laj Sakarías. Chirix a'an wankeb' chaq laj Usiel, laj Semiramot, laj Jehiel, laj Matatías, laj Eliab, laj Benaías, laj Obededón ut laj Jehiel, a'aneb' li wankeb' chaq x'aarp nim xyaab' ut li kach'in ajwi' xyaab'. Laj Asaf a'an natoch'ok re li tzojtzoj,

1 Crónicas 13:8

Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', sursuukil ch'iich' ut tronpeet.

2 Reyes 6:1

Sa' jun kutan eb' li propeet ke'xye re laj Eliseo: “Ili, li na'ajej wanko wi' aawochb'een, jwal kach'in cho'q qe.

2 Reyes 4:38

Chirix chik a'an laj Eliseo kisutq'iik sa' li tenamit Kilkal, naq yo tz'aqal li we'ej aran. Sa' jun kutan k'ojk'ookeb' li propeet chiru laj Eliseo, ut a'in kixye re laj tenq' re: “K'e li nimla uk'al sa' xam ut k'uub' xtzekemqeb' li propeet”.

1 Samuel 9:12

Ke'sumeek: “Wank, aran cheru wank laj q'e u. Seeb'ahomaq eerib' chi xik re naq teetaw. Toje' xk'ulunk sa' li tenamit, xb'aan naq hoon taamayejaq sa' xk'ab'a'eb' li tenamit, sa' xb'een tzuul.

1 Samuel 10:4

Te'xk'e xsahil aach'ool ut te'xsi wiib' aawa, ut laa'at taak'uleb'.

1 Samuel 13:2

Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

1 Crónicas 11:16

Laj David wank aran sa' li kawub'resinb'il na'ajej, ut jun ch'uuteb' aj Filistea wankeb' chaq Belén.

Salmos 92:3

xpuktesinkil resil laachaab'ilal eq'la ut xjultikankil li xtiikilal laach'ool rajlal q'oqyink,

1 Reyes 18:29

Naq ak xnume'k wa'leb', aka'eb' chik li propeet ke'ok chi xpatz'b'al xk'ab'a' laj Bahal toj kiwulak xhonalil li mayejak; ab'anan maajun xyaab' kuxej ki'ab'iik, maa'ani kisumenk chaq.

2 Reyes 2:7

Ab'anan lajeeb' roxk'aal chi propeet koheb' chirixeb' toj chire li nima' Jordán, najt b'ayaq rik'in laj Elías ut laj Eliseo, naq koxe'xaqliiq aran.