1 Samuel 10:27 - Q'eqchi Bible

²⁷ Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

Li Santil hu

²⁷ Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

1 Samuel 10:27 ပူးပေါင်းရင်းမြစ်များ

Deuteronomio 13:13

wankeb' winq li ink'a' useb' xch'ool, yo'lajenaqeb' sa' eeyanq li xe'xb'alaq'i li rech tenamitul rik'in xyeeb'al: «Qaloq'oniiq ruheb' li jalanil yos», li ink'a' eenawom ru laa'ex,

2 Crónicas 17:5

Li Qaawa' kixk'ojob' chi us li xwankilal laj Josafat. Chixjunileb' laj Judá ke'xk'e xmaatan ut k'ajo' naq kib'ihomo'k ut kinimank xloq'al.

1 Reyes 10:25

Ut li junjunq, rajlal chihab', naxk'e xsimaatan: a' li k'a'aq re ru yiib'anb'il rik'in plaat ut oor, jo'wi' aq'ej, ch'iich', sununkil b'an, kawaay ut muul.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Hechos 7:35

“Eb' laj Israel ke'xtz'eqtaana laj Moisés naq ke'xye re: «Ani xxaqab'ank aawe cho'q aj jolominel ut aj raqol aatin?». Ab'an li Yos kitaqlank re cho'q aj jolominel ut aj kolonel, naq li ánjel kixk'ut rib' chiru sa' li k'ix.

Isaías 36:21

Eb' li poyanam mem ke'kanaak ut maajun chik aatin ke'xye, xb'aan naq xyehom li awab'ej: “Maajun aatin te'xsume”.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

Salmos 38:13

Eb' li neke'raj inkamsinkil neke'xyal xq'e chinra'lenkil; eb' li neke'xrahi ch'a'ajkilal we neke'xk'uub' inrahob'tesinkil, ut chixjunil li kutan neke'xyoob' aatin chiwix.

2 Crónicas 13:7

Ut rik'in laj Jerobohán ke'xch'utub' rib' naab'aleb' li ink'a' useb' xna'leb' ut aj q'emeb', li ke'numtaak sa' xb'een laj Robohán, ralal laj Salomón, xb'aan naq toj saaj ut q'un xch'ool chi taqlank; jo'kan naq ink'a' kiruuk chi xkolb'al rib' chiruheb'.

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

2 Samuel 8:2

Kixq'ax ajwi' ruheb' laj Mohab; kixk'eheb' chi jilib'aak chiru ch'och' ut kixb'iseb' rik'in k'aam: jo'k'ihaleb' li ke'kanaak sa' li wiib' b'isok, ke'kamsiik; ut li ke'kanaak sa' li rox b'isok, ke'kanab'aak chi yo'yo. Jo'ka'in naq eb' laj Mohab ke'kanaak rub'el xwankil laj David chi k'ehok toj.

1 Samuel 11:12

Toja' naq li tenamit ke'xye re laj Samuel: “Aniheb' li ke'xye naq laj Saúl ink'a' taa'awab'ejinq sa' qab'een? Q'axtesihomaqeb' qe li winq a'an ut te'qakamsi”.

San Mateo 2:11

Koxe'okaq sa' li kab'l ut ke'ril li k'uula'al wank rik'in lix María li na'b'ej; ke'xwiq'ib' rib' ut ke'xloq'oni ru; ke'xte li xk'uuleb'aaleb' ut ke'xyeechi'i xmaatan: oor, pom ut miir.

1 Samuel 11:13

Ab'an laj Saúl kixye: “Maajun chikamq anaqwan, xb'aan naq li Qaawa' xooxkol laa'o aj Israel sa' li kutan a'in”.

1 Samuel 16:20

Laj Jesé kixtaqla laj David li ralal, ut kixtaqla ajwi' jun xb'uur li taa'iiqanq re naab'al li kaxlan wa, jun kuk tz'uum chi b'iin ut jun ch'ina chib'aat, cho'q re laj Saúl.

1 Samuel 25:17

K'e reetal ut k'oxla rix chi us k'aru taab'aanu, xb'aan naq ch'olch'o naq rahilal taachalq sa' xb'een laj eechal qe jo'wi' sa' xb'een chixjunil li xjunkab'al. Laab'eelom a'an jun li winq jwal jip, maak'a' naru taaye re”.

1 Reyes 5:1

Naq laj Jirán, awab'ej re Tiro, kirab'i resil naq laj Salomón kixaqab'aak cho'q awab'ej sa' xna'aj laj David li xyuwa', kixtaqlaheb' li xtaql rik'in, xb'aan naq laj Jirán q'axal ramiiw laj David naq kiwank chi junelik.

Eclesiastés 7:21

Maapaab' chixjunil li nayeemank; chi jo'kan ink'a' taawab'i naq laj k'anjel chawu yooq chi aatinak chawix.