1 Samuel 10:24 - Q'eqchi Bible

²⁴ Laj Samuel kixpatz' re chixjunileb' li tenamit: “Ma xeril li sik'b'il ru xb'aan li Qaawa'? Maajun junaq kama' a'an sa' chixjunil li tenamit”. Ut chixjunileb' ke'xchaj re chi xyeeb'al: “Sahaq taxaq xch'ool li awab'ej!”.

Li Santil hu

²⁴ Laj Samuel quixye reheb li tenamit: —Aꞌan aꞌin li quixsicꞌ ru li Ka̱cuaꞌ. Ma̱ ani naru xjuntakꞌe̱tanquil riqꞌuin li cui̱nk aꞌin, chan. Ut eb li tenamit queꞌxjap re chi saheb saꞌ xchꞌo̱l ut queꞌxye: —Najt taxak chicua̱nk li karey, chanqueb.

1 Samuel 10:24 ပူးပေါင်းရင်းမြစ်များ

1 Reyes 1:39

Aran laj Sadok laj tij kixxok sa' li Loq'laj Muheb'aal li xukub' re li aseeyt ut kixyul laj Salomón chiru a'an. Chirix chik a'an ke'xk'e chi yaab'asiik li tronpeet ut chixjunil li tenamit chi kaw xyaab'eb' xkux ke'ok chi xyeeb'al: “Nimanb'ilaq taxaq li awab'ej Salomón!”.

1 Reyes 1:25

Xb'aan naq sa' li kutan a'in laj Adonías xkub'eek chi xmayejankileb' li b'ooyx, li ninqi wakax ut karneer chi yo'oon, ut xb'oqeb' chixjunileb' li ralal li awab'ej, li xjolomileb' laj puub' ut laj Abiatar laj tij. Anaqwan yookeb' chi wa'ak ut chi uk'ak rochb'een ut japeb' re chi xyeeb'al: «Chinimaaq xloq'al li awab'ej Adonías!».

2 Samuel 21:6

Q'axtesihomaq qe wuqub'eb' li ralal ut laa'o te'qakamsi chiru li Qaawa', aran Kibehá re laj Saúl, li sik'b'il ru xb'aan li Qaawa'”, chankeb'. “Us, tinq'axtesiheb' eere”, chan li awab'ej.

Deuteronomio 17:15

tatruuq xxaqab'ankil junaq awab'ej sa' aab'een, a' li tixsik' ru li Qaawa' laaYos sa' xyanqeb' laawas laawiitz'in; moko tatruuq ta xxaqab'ankil cho'q awab'ej sa' aab'een junaq aj ab'l tenamit, li moko aakomon ta.

2 Reyes 11:12

Toja' naq laj Johadá kirisi chaq li ralal li awab'ej, kixxaqab' cho'q awab'ej ut kixyul rik'in aseeyt. Ke'xpoq'poq'i li ruq'eb' chixjunileb' ut ke'xye chi kaw xyaab' xkuxeb': “Sahaq taxaq xch'ool li awab'ej!”, chankeb'.

San Mateo 21:9

Ut eb' li tenamit li yookeb' chi xik chi uub'ej ut li wankeb' chi ixb'ej japjookeb' re chi xyeeb'al: —Chinimaaq xloq'al li Ralal laj David! Usilaatinanb'il li xchalk sa' xk'ab'a' li Qaawa'! Chinimaaq xloq'al li Qaawa' taqe'q!

1 Reyes 1:34

ut aran li walal taayule'q cho'q awab'ej re Israel xb'aan laj Sadok laj tij ut laj Natán li propeet. Toja' naq teeyaab'asi li xukub' ut teeye: «Nimanb'ilaq li awab'ej Salomón!», cha'qex.

1 Reyes 1:21

Wi maak'a' nakab'aanu chirix a'in, relik chi yaal naq tookamsiiq laa'in ut linyum, naq laa'at tatq'ajq tatsutq'iiq”.

1 Samuel 9:2

Wan chaq jun ralal, aj Saúl xk'ab'a', toj saaj ut k'ajo' xchaq'al ru. A'an li q'axal ch'ina'us ut najt roq sa' xyanqeb' chixjunileb' laj Israel.

1 Samuel 12:1

Chirix chik a'an laj Samuel kixye reheb' chixjunileb' laj Israel: “Laa'ex xeril naq xinb'aanu chixjunil li xepatz' we, ut xinxaqab' jun li awab'ej cho'q eere.

1 Samuel 12:13

Anaqwan we' li awab'ej li xesik' ru ut xetz'aama. Li Qaawa' xxaqab' jun li awab'ej sa' eeb'een.

2 Samuel 16:16

Toja' naq laj Jusay aj Arkí, ramiiw laj David, kiwulak rik'in laj Absalón ut kixye re: “Sahaq taxaq xch'ool li awab'ej! Sahaq taxaq xch'ool li awab'ej!”.

2 Crónicas 23:11

Toja' naq laj Johadá ut eb' li ralal ke'risi chaq li ralal li awab'ej, ke'xk'e li xkoroon ut eb' li reetalil jo' awab'ej, ut ke'xxaqab' cho'q awab'ej. Ke'xyul rik'in aseeyt ut ke'xjap re chi xyeeb'al: “Sahaq taxaq xch'ool li awab'ej!”, chankeb'.

1 Samuel 11:15

Toja' naq chixjunil li tenamit koheb' Kilkal ut aran, chiru li Qaawa', ke'xxaqab' laj Saúl cho'q awab'ej ut ke'xyeechi'i mayej re k'amok ib' sa' usilal rik'in li Yos. K'ajo' naq ke'saho'k sa' xch'ool laj Saúl jo'wi' chixjunileb' laj Israel!