1 Samuel 10:20 - Q'eqchi Bible

²⁰ Laj Samuel kixb'oq chixjunileb' li xteepaleb' laj Israel, ut li Qaawa' kixsik' ru li xteepal laj Benjamín.

Li Santil hu

²⁰ Laj Samuel quixbokeb chixjunileb lix te̱paleb laj Israel. Ut li Ka̱cuaꞌ quixsicꞌ ru lix te̱paleb li ralal xcꞌajol laj Benjamín.

1 Samuel 10:20 ပူးပေါင်းရင်းမြစ်များ

1 Samuel 14:41

Toja' naq laj Saúl kixye: “At Qaawa', xYos laj Israel, k'a'ut naq ink'a' nakasume laj k'anjel chawu sa' li kutan a'in? Wi laa'in wank inmaak malaj xmaakob'k laj Jonatán li walal, k'e Urim, at Qaawa', xYos laj Israel. Ab'anan wi laatenamit Israel wank xmaak, k'e Tumim”, chan naq kitijok. Ut naq ke'b'uulik, kik'utunk naq laj Saúl ut laj Jonatán wankeb' xmaak, ut eb' li tenamit ke'kanaak chi maak'a'eb' xmaak.

1 Samuel 10:19

A'ut anaqwan laa'ex xetz'eqtaana leeYos, li kikolok eere chiru chixjunil leerahilal ut ch'a'ajkilal, ut xeye re: «K'e qe junaq awab'ej», chankex. Jo'kan b'i', k'utomaq eerib' chiru li Qaawa', chi teepal ut chi junqkab'alil”.

1 Samuel 10:21

Chirix chik a'an kixb'oqeb' chi nach'ok li xteepal laj Benjamín chi junqkab'alil, ut kisik'mank ru li xjunkab'al laj Matrí; ut sa' xyanqeb' a'an kisik'e'k ru laj Saúl, ralal laj Kis. Ab'anan naq ke'xsik', ink'a' ke'xtaw.

1 Samuel 14:38

Jo'kan naq laj Saúl kixb'oqeb' chixjunileb' li xjolomil li tenamit ut kixye reheb': “Tz'ilomaq rix ut ilomaq ani xmaakob'k sa' li kutan a'in.

2 Samuel 3:19

Laj Abner kiraatinaheb' ajwi' laj Benjamín ut chirix a'an koho Hebrón re xyeeb'al re laj David li k'aru ke'kanaak wi' eb' laj Israel ut chixjunileb' laj Benjamín.

Jonás 1:7

Chirix chik a'an eb' laj b'eresinel jukub' ke'xye chirib'ileb' rib': “Qilaq anaqwan ani tana wank xmaak naq xqak'ul li rahilal a'in”, chankeb'. Ke'xb'uulu rix ut ke'xtaw naq a' laj Jonás.

Deuteronomio 33:12

Cho'q re laj Benjamín kixye: “At xrahom li Qaawa', hilan chi xk'atq A'an chi maak'a'aq aaxiw. Li Nimajwal taamuheelanq aawe chi junelik; rub'el xrahom li Yos wanqat chi junelik”, chan laj Moisés.